ចារកម្មសម្ងាត់អ៊ុយក្រែន បានធ្វើការវាយតម្លៃថា រុស្ស៊ីមានគ្រាប់កាំជ្រួចជាក់លាក់ខ្ពស់សាហាវៗប្រហែលជា៥៥០គ្រឿង ដែលជាចំនួនមួយល្មមនឹងវាយប្រហារអ៊ុយក្រែនបានច្រើនលើកទៀត។
លោក Vadym Skibitskyi ជាអនុប្រធានផ្នែកស៊ើបការណ៍ការពារជាតិអ៊ុយក្រែន បានប្រាប់ក្នុងបទសម្ភាសន៍ជាមួយកាសែត Delfi នៅពេលសួរថា តើរុស្ស៊ីនឹងប្រើកាំជ្រួចប៉ុន្មានគ្រាប់ទៀតសម្រាប់វាយប្រហារយកឈ្នះអ៊ុយក្រែន។ Skibitskyi ថា តាមការប៉ាន់ស្មាន រុស្ស៊ីមានស្តុកទុកមុនសង្គ្រាមរហូតដល់ ២០% នៃគ្រាប់មីស៊ីលដែលមានភាពជាក់លាក់ខ្ពស់ ពោលគឺប្រហែល ៥៥០ គ្រឿង។ ទោះបីនេះជាចំនួនតិចក៏ពិតមែន ក៏ប៉ុន្តែរុស្ស៊ីចេះប្រើគួបផ្សំរួមបញ្ចូលគ្នាជាមួយយន្តហោះគ្មានមនុស្សបើក kamikaze ផលិតដោយអ៊ីរ៉ង់ ប្រព័ន្ធមីស៊ីលប្រឆាំងយន្តហោះ S-300 និង S-400 សម្រាប់ការវាយប្រហារ។
របាយការណ៍នៃការវាយប្រហារចុងក្រោយរបស់រុស្ស៊ីមកលើដីគោកអ៊ុយក្រែនគឺមានគ្រាប់ជាក់លាក់ខ្ពស់មិនដល់៣០គ្រាប់ផង តែការបំផ្លិចបំផ្លាញគឺបណ្តាលមកពីរុស្ស៊ីបានប្រើចម្រុះគ្នានូវគ្រាប់បាញ់ចេញពីប្រព័ន្ធការពារដែនអាកាស ដូចជា S-300 និង S-400 និងkamikaze៕
ប្រភព៖ UKRAINSKA PRAVDA
ប្រភពរូប៖UKRAINSKA PRAVDA
ប្រែសម្រួល៖សុខ តុលា