ភ្នំពេញ៖ នៅខេត្តកោះកុងមានកោះតូចធំសរុបចំនួន៣៥ ហើយក្នុងនោះមានកោះចំនួន១៧ ទទួលបានគម្រោងវិនិយោគ។
លោកស្រី មិថុនា ភូថង អភិបាលខេត្តកោះកុង បានឱ្យដឹងថា នៅក្នុងខេត្តកោះកុងមានកោះតូចធំចំនួន៣៥ ក្នុងនោះមាន០៩ កោះដែលមានផ្កាថ្ម និង១៧ កោះត្រូវបានវិនិយោគដោយក្រុមហ៊ុនចំនួន០៩។
ឆ្នេរនេសាទក្នុងខេត្តកោះកុងមានទឹកសមុទ្រខៀវស្រងាត់ និងមានឆ្នេរខ្សាច់សក្បុស ដែលស័ក្តិសមសម្រាប់ភ្ញៀវទេសចរ គ្រប់វ័យមុជទឹកលេងកម្សាន្តនៅក្រោមម្លប់ដើមដូងដ៏ត្រជាក់ និង ស្រូបយកខ្យល់អាកាសបរិសុទ្ធ ដែលសក្តិសមបំផុតសម្រាប់ការអភិវឌ្ឍជាទីកំសាន្ត។
ក្រៅពីគម្រោងអភិវឌ្ឍន៍ និងវិនិយោគលើទេសចរណ៍ទាំងនោះ ខេត្តកោះគុងក៏មានគម្រោងអភិវឌ្ឍព្រលានយន្តហោះធំមួយ ដែលបាន និងកំពុងលេចរូបរាងឡើង នៅក្នុងស្រុកបុទមសាគរ ខេត្តកោះកុង ដែលជាផ្នែកមួយ រួមចំណែកទាក់ទាញទេសចរ និងវិនិយោិនមកកាន់ខេត្តកោះកុងកាន់តែច្រើនបន្ថែមទៀត៕ដោយៈសិរីមតី