ភ្នាក់ងារសង្រ្គោះអ៊ុយក្រែនបានប្រកាសបិទបញ្ចប់ប្រតិបត្តិការរុករកនៅឯប្លុកអគារលំនៅដ្ឋានទីក្រុង Dnipro ភាគកណ្តាល ខណៈអ្នកស្លាប់ដោយការវាយប្រហារពីរុស្ស៊ីសរុប ៤៥នាក់ របួសជិត៨០នាក់។
![](https://cambodiaflashnews.com/wp-content/uploads/2021/06/top-banner.gif)
សេវាសង្គ្រោះបន្ទាន់របស់រដ្ឋបាននិយាយចុងក្រោយនៅយប់ថ្ងៃអង្គារថា មនុស្ស ២០ នាក់នៅតែមិនទាន់បានរាប់បញ្ចូល បន្ទាប់ពីការវាយប្រហារកាលពីថ្ងៃសៅរ៍ ខណៈអ្នកស្លាប់សរុបដែលរកឃើញមានចំនួន ៤៥ នាក់ រួមមានកុមារ ៥ នាក់។ មនុស្សចំនួន ៣៩ នាក់ត្រូវបានជួយសង្គ្រោះពីគំនរបាក់បែកបានដោយជោគជ័យ តែនៅតែមានរបួសស្ថិតក្នុងចំណោម ៧៩ នាក់។
សេវាកម្មសង្គ្រោះបន្ទាន់បានសរសេរនៅលើកម្មវិធីផ្ញើសារ Telegram ក្រោមរូបថតពីកន្លែងកើតហេតុថា “”នៅម៉ោង ១:00 រសៀល នៅថ្ងៃទី ១៧ ខែមករា ប្រតិបត្តិការស្វែងរក និងជួយសង្គ្រោះនៅទីក្រុង Dnipro នៅកន្លែងនៃការវាយប្រហារដោយគ្រាប់រ៉ុក្កែតត្រូវបានបញ្ចប់”។ អគារផ្ទះល្វែងនៃទីក្រុង Dnipro កើតហេតុត្រូវបានវាយប្រហារដោយកាំជ្រួច Kh-22 របស់រុស្ស៊ី។
យ៉ាងណាក៏ដោយ រុស្ស៊ីបានច្រានចោលចំពោះការចោទប្រកាន់នេះ ដោយថាខ្លួនមិនបានសំដៅទៅលើអគារលំនៅដ្ឋានជនស៊ីវិលណាមួយឡើយ៕
ប្រភព៖ REUTERS
ប្រភពរូប៖REUTERS
ប្រែសម្រួល៖សុខ តុលា