អ៊ុយក្រែននិយាយថា រុស្ស៊ីកំពុងឈានទៅរកការខើចមីស៊ីល ឬកម្រិតមីស៊ីលចុះទាបហើយ ពីព្រោះរុស្ស៊ីបានបង្វែរប្រព័ន្ធការពារដែនអាកាសយកទៅប្រើជាការវាយលុកទៅវិញ។
![](https://cambodiaflashnews.com/wp-content/uploads/2021/06/top-banner.gif)
នេះដោយយោងតាមអ្នកនាំពាក្យកងទ័ពអាកាសអ៊ុយក្រែន បានធ្វើការវាយតម្លៃកាលពីថ្ងៃចន្ទ ទី១៦ ខែមករាសប្តាហ៍នេះ។ អ្នកនាំពាក្យលោក Yuriy Ihnat បាននិយាយថា ប្រទេសរុស្ស៊ីកំពុងបង្កើនការប្រើប្រាស់ប្រព័ន្ធការពារដែនអាកាស S-300 និង S-400 យ៉ាងសកម្មណាស់បច្ចុប្បន្ននេះដើម្បីធ្វើការវាយឆ្មក់លើគោលដៅដីអ៊ុយក្រែន។ លោកបានប្រាប់សន្និសីទសារព័ត៌មាននៅទីក្រុង Kyiv តាមវីដេអូថា “សត្រូវកំពុងព្យាយាមប្រើប្រាស់សក្តានុពលរបស់ពួកគេ ពីព្រោះមានកាំជ្រួច S-300 នៅសល់ច្រើន”។
ទោះជាយ៉ាងណាក៏ដោយ ការបង្វែរយកប្រព័ន្ធការពារដែនអាកាសដែលទុកសម្រាប់តែការពារមីស៊ីលនេះ គឺបានបង្ហាញថា ស្តុកមីស៊ីលផ្លោងរបស់ទីក្រុងមូស្គូកំពុងនៅមានកម្រិតទាប។ មន្ត្រីរូបនេះក៏បានលើកឡើងពីការស៊ើបអង្កេតរបស់អ៊ុយក្រែនដោយអះអាងថា រុស្ស៊ីឥឡូវនេះមានគ្រាប់មីស៊ីលវាយប្រហារ Iskander ទំនើបមិនដល់ ១០០ គ្រាប់ទេដែលនៅសល់។ ដូច្នេះទើបរុស្ស៊ីចាប់ផ្តើមប្រើប្រាស់ប្រព័ន្ធ S-300 និង S-400 ជំនួសវិញ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
ឲ