ភ្នំពេញ៖តៃកុងរថយន្តម៉ាក Range Rover ទំនងស្រវឹងស្រា បានបើកក្នុងល្បឿនលឿនជ្រុលទៅបុកផាស្អេបពីក្រោយបណ្តាលឱ្យក្រឡាប់និងម្ចាស់ផាស្អេបរងរបួសធ្ងន់។ហេតុការណ៍នេះបានកើតឡើងនៅមុខផ្សារទំនើបអ៊ីអនទី៣ តាមផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ កាលពីរំលងអធ្រាត្រឈានចូលថ្ងៃទី១៧ ខែមករា។
ប្រភពព័ត៌មានបានឱ្យដឹងថា មុនកើតហេតុ គេឃើញបុរសម្នាក់បើកផាស្អេបផ្លាកលេខភ្នំពេញ1HY-3937 តាមផ្លូវ៦០ម៉ែត្រពីជើងទៅត្បូង។មកដល់កន្លែងខាងលើ ស្រាប់តែមានរថយន្តម៉ាក RANGE ROVER ផ្លាកលេខភ្នំពេញ2AW-8989 តៃកុងសង្ស័យស្រវឹងស្រាបើកមកពីក្រោយយ៉ាងលឿនក៏បុកផាស្អេបពេញទំហឹងបណ្តាលឱ្យក្រឡាប់និងអ្នកបើកបររងរបួសធ្ងន់ធ្ងរ។
ក្រោយកើតហេតុ សមត្ថកិច្ចជំនាញចរាចរណ៍បានចុះវាស់វែងយករថយន្តនិងផាស្អេបទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីរង់ចាំម្ចាស់ចូលខ្លួនដោះស្រាយ៕ដោយ៖វិចិត្រ
