សៀមរាប៖អគ្គិភ័យឆាបឆេះផ្សារពួក ដោយបានបំផ្លាញតូបលក់ដូរអស់ចំនួន៦និងសម្ភារជាច្រើនទៀត នៅភូមិចំបក់ហែរ ស្រុកពួក ខេត្តសៀមរាប កាលពីរំលងអធ្រាត្រឈានចូលថ្ងៃទី១៣ ខែមករា។
សមត្ថកិច្ចបានឱ្យដឹងថា គ្រោះអគ្គិភ័យបានឆាបឆេះផ្សារពួកដែលស្ថិតនៅទីតាំងខាងលើបានបង្កការខូចខាតតូបលក់ដូរចំនួន៦អស់ទាំងស្រុង និងសម្ភារជាច្រើនទៀត។ស្ត្រីរងគ្រោះជាម្ចាស់តូបឈ្មោះលឿម ស្រីលឹក-ឈ្មោះធឿងម៉ាឡា- ឈ្មោះមោះធឿង-ឈ្មោះឡុង បឿត-ឈ្មោះ និវគិមសួរ និងឈ្មោះដាំ សុទ្ឋារស់។តូបពួកគាត់លក់ចាប់ហួយ-បន្លែ និងអ៊ុតសក់។
ពេលភ្លើងកំពុងឆេះ នគរបាលបង្ការពន្លត់អគ្គិភ័យនិងសង្គ្រោះបានចេញរថយន្តជួយអន្តរាគមន៍បាញ់ទឹកអស់ចំនួន៩រថយន្តទើបភ្លើងរលត់ទៅវិញនៅយប់ថ្ងៃដដែល។ប៉ុន្តែក្នុងហេតុការណ៍ខាងលើនោះមិនបង្កគ្រោះថ្នាក់ដល់ជីវិតមនុស្សទេ ហើយក៏មិនទាន់ដឹងពីទំហំនៃការខូចខាតនៅឡើយដែរ ដោយសមត្ថកិច្ចកំពុងសាកសួរ។ចំពោះមូលហេតុនៃការឆេះនេះត្រូវបានគេអះអាងថាបណ្តាលមកពីឆ្លងចរន្តអគ្គិសនី៕ដោយ៖វិចិត្រ
