ភ្នំពេញ៖កម្លាំងមន្ទីរប្រឆាំងគ្រឿងញៀន កាលពីថ្ងៃទី៨-ទី៩ ខែមករា បានសហការជាមួយកម្លាំង នគរបាលខេត្តចំនួន២ បង្ក្រាបករណីគ្រឿងញៀននៅ៣គោលដៅ ចាប់ឧក្រិដ្ឋជន៥នាក់បញ្ជូន ទៅតុលាការ។
សមត្ថកិច្ចបានឱ្យដឹងថា ការចាប់ឧក្រិដ្ឋជន៥នាក់ជាឈ្មួញគ្រឿងញៀននិងរឹបអូសសារធាតុញៀនប្រភេទមេតំហ្វេតាមីនICE ចំនួនជាង១០គីឡូក្រាម។ក្នុងកិច្ចសហការបង្រ្កាបនោះធ្វើឡើង៣គោលដៅផ្សេងគ្នា នៅខេត្តកំពង់ស្ពឺ និងខេត្តបន្ទាយមានជ័យ។ទី១-នៅស្រុកសំរោងទង ខេត្តកំពង់ស្ពឺ។ទី២-បរិវេណភោជនីយដ្ឋានមិត្តភាព ក្រុងប៉ោយប៉ែត។ទី៣-នៅភូមិក្បាលស្ពាន១ សង្កាត់ប៉ាលីឡៃ១ ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យទាំង៥នាក់-ឈ្មោះស្រី គឹមសួរ អាយុ៣៨ឆ្នាំ-ឈ្មោះខឹម សុភ័ក្ត្រ អាយុ៣៤ឆ្នាំ-ឈ្មោះ ផាន់ កំសត់ អាយុ៣៩ឆ្នាំ-ឈ្មោះជា រ៉ុង អាយុ៤១ឆ្នាំ និងឈ្មោះបន បៀង អាយុ៣៦ឆ្នាំជាមេខ្លោងនិងជាម្ចាស់គ្រឿងញៀន។ក្រោយចាប់ខ្លួនរួចមក ជនសង្ស័យនិងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅតុលាការភ្នំពេញដើម្បីអនុវត្តតាមច្បាប់៕ដោយ៖វិចិត្រ