អតីតឧត្តមសេនីយ៍អង្គការណាតូ លោក Hans-Lothar Domrose បានព្យាករណ៍ថា បទឈប់បាញ់រវាងរុស្ស៊ីនិងអ៊ុយក្រែននឹងធ្វើឡើងនៅពាក់កណ្តាលឆ្នាំ២០២៣នេះ ឬអាចលឿនឆាប់ៗនេះហើយ។
![](https://cambodiaflashnews.com/wp-content/uploads/2021/06/top-banner.gif)
អតីតកងទ័ពអាល្លឺម៉ង់ និងជាឧត្តមសេនីយ៍អង្គការ NATO លោក Domrose បាននិយាយប្រាប់ក្រុមប្រព័ន្ធផ្សព្វផ្សាយរបស់ប្រទេសអាល្លឺម៉ង់ថា បទឈប់បាញ់គ្នាក្នុងសង្គ្រាមរុស្ស៊ីប្រឆាំងនឹងអ៊ុយក្រែនអាចត្រូវបានគេរំពឹងទុកក្នុងអំឡុងឆ្នាំ ២០២៣ និងលឿនជាងនេះ ពាក់កណ្តាលឆ្នាំនេះ។ លោកថា “ខ្ញុំរំពឹងថានៅក្នុងរដូវក្តៅ នៅពេលដែលភាគីទាំងពីរយល់ព្រមទាំងសងខាង”។ គាត់បានលម្អិតពេលវេលាដែលទំនងបំផុតសម្រាប់ការជាប់គាំងបែបនេះ នឹងកើតឡើងនៅចន្លោះខែកុម្ភៈដល់ខែឧសភា។ Domrose បាននិយាយថា “នោះនឹងក្លាយជាពេលវេលាសម្រាប់ការចរចាបទឈប់បាញ់ហើយ” ។
ក៏ប៉ុន្តែបើទោះបីជាយ៉ាងណា មន្រ្តីជំនាញរូបនេះមិនមានន័យថាបានសន្តិភាពពេញលេញទេ។ “បទឈប់បាញ់មានន័យត្រឹមថា ការបាញ់ប្រហារត្រូវបញ្ឈប់ប៉ុណ្ណោះ។ ការចរចាទំនងជាចំណាយពេលយូរ ដែលត្រូវការអ្នកសម្រុះសម្រួល អាចជាអគ្គលេខាធិការអង្គការសហប្រជាជាតិ លោក Antonio Guterres ឬប្រធានាធិបតីតួកគី Recep Tayyip Erdogan។ ចាប់តាំងពីមានសង្រ្គាមមក ភាគីទាំងពីរបានចរចាជាមួយគ្នាបានច្រើនលើកដែរហើយ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា