អភិបាលរុស្ស៊ីប្រចាំតំបន់ទីក្រុង Bryansk បានជូនដំណឹងថា បណ្តាញថាមពលត្រូវបានតភ្ជាប់ឡើងវិញរួចរាល់ហើយ បន្ទាប់ពីការវាយប្រហារដោយយន្តហោះគ្មានមនុស្សបើករបស់អ៊ុយក្រែននៅដើមសប្តាហ៍នេះ។
![](https://cambodiaflashnews.com/wp-content/uploads/2021/06/top-banner.gif)
អភិបាលក្រុងរុស្ស៊ីតំបន់ Bryansk ជាប់នឹងព្រំដែនអ៊ុយក្រែន លោក Alexander Bogomaz បាននិយាយនៅថ្ងៃចន្ទថា ការវាយប្រហារដោយយន្តហោះគ្មានមនុស្សបើករបស់អ៊ុយក្រែនបានធ្វើឱ្យខូចខាតដល់រោងចក្រអគ្គិសនី និងកាត់ផ្តាច់ចរន្តអគ្គិសនីនៅក្នុងតំបន់ Bryansk ប្រទេសរុស្ស៊ីយ៉ាងខ្លាំង។ ការវាយប្រហារនេះ បានធ្វើឡើងនៅព្រឹកថ្ងៃចន្ទ ទី២ ខែមករា ឆ្នាំ២០២៣ ខណៈមិនមានការបញ្ជាក់ទទួលខុសត្រូវពីខាងអ៊ុយក្រែននោះទេ។
បើតាមអភិបាលដដែល ការវាយប្រហារដំបូងបានកើតឡើងលើសង្កាត់ Klimovsky និងមានការជូនដំណឹងភ្លាមៗ មានការចូលរួមអន្តរាគមន៍ពីភ្នាក់ងារតភ្ជាប់អគ្គិសនី លុះប្រហែល ១២ម៉ោងក្រោយមកការផ្គត់ផ្គង់ត្រូវបានស្តារឡើងវិញ ព្រមទាំងមិនមានរបាយការណ៍ពីអ្នកស្លាប់ និងរងរបួសនោះទេ។ គួរសង្កេតថា នាប៉ុន្មានថ្ងៃចុងក្រោយនេះ ពិសេសឈានចូលឆ្នាំថ្មី ២០២៣ សេចក្តីរាយការណ៍ពីការវាយប្រហារដោយយន្តហោះគ្មានមនុស្សបើកអ៊ុយក្រែនលើដីរុស្ស៊ីបានកើតឡើងជាបន្តបន្ទាប់ រាប់គិតទាំងមូលដ្ឋានទ័ពអាកាសរុស្ស៊ី Angel៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា