សហរដ្ឋអាម៉េរិកសម្ដែងការព្រួយបារម្ភ និងចាត់វិធានការស៊ើបអង្កេត ក្រោយរុស្ស៊ីនិងចិនបានជួបពិភាក្សាគ្នាយ៉ាងជិតស្និទ្ធនារយៈពេលចុងក្រោយនេះ។
![](https://cambodiaflashnews.com/wp-content/uploads/2021/06/top-banner.gif)
យោងតាមសារព័ត៌មានរ៉យទ័រ អ្នកនាំពាក្យក្រសួងការបរទេសអាម៉េរិក បាននិយាយនៅដើមខែមករានេះថា សហរដ្ឋអាម៉េរិកកំពុងតាមដានហើយ “យើងកំពុងតាមដានសកម្មភាពរបស់ទីក្រុងប៉េកាំងយ៉ាងដិតដល់”។ “ទីក្រុងប៉េកាំងអះអាងថា មានភាពអព្យាក្រឹត ប៉ុន្តែអាកប្បកិរិយារបស់គេបានបញ្ជាក់យ៉ាងច្បាស់ថាវានៅតែវិនិយោគក្នុងទំនាក់ទំនងជិតស្និទ្ធជាមួយរុស្ស៊ី”។ សូមរំលឹកបន្តិចថា នាចុងខែធ្នូកន្លងទៅថ្មីៗនេះរុស្ស៊ីនិងចិនហាក់បង្ហាញភាពជិតស្និទ្ធគួរឲ្យកត់សម្គាល់។ មេដឹកនាំប្រទេសទាំងពីរបានជួបគ្នាតាមតំណតភ្ជាប់ និងបានសម្ដែងការប្តេជ្ញាចិត្តកិច្ចសហប្រតិបត្តិការទូលំទូលាយ ពិសេសបានអញ្ជើញគ្នាជុំវិញដំណើរទស្សនកិច្ចទៀតផង។ ពូទីននិយាយថា រំពឹងចង់ឲ្យលោកស៊ី ប្រធានាធិបតីចិនទៅលេងទីក្រុងមូស្គូនាពេលខាងមុខ។
ជុំវិញដំណឹងទាំងអស់នេះ មន្ត្រីអាម៉េរិកបានកត់សម្គាល់ថា នឹងចាត់ការស៊ើបអង្កេត តាមដានយ៉ាងដិតដល់ បើទោះបីបច្ចុប្បន្នមិនទាន់រកឃើញពីតម្រុយណាមួយដែលថាទីក្រុងប៉េកាំងបានផ្តល់ជំនួយជាសម្ភារដល់រុស្ស៊ីសម្រាប់សង្គ្រាមក៏ដោយ។ ប្រសិនបើទីបំផុតត្រូវបានរកឃើញថាចិនមានជាប់ពាក់ព័ន្ធក្នុងសង្រ្គាមជួយដល់រុស្ស៊ី នោះវានឹងអាចបង្កឲ្យមានការដាក់ទណ្ឌកម្មប្រឆាំងនឹងចិនផ្ទាល់តែម្តង៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា