ភ្នំពេញៈចំនួនជើងហោះហើរនោខែវិច្ឆិកា ឆ្នាំ២០២២ កើនឡើងចំនួន២៦៨% ហើយទទួលបានអ្នកដំណើរចំនួន៣៤ម៉ឺននាក់ កើនឡើង១.២៩៨ភាគរយ បើធៀបនឹងរយៈពេលដូចគ្នាកាលពីឆ្នាំមុន។នេះបើតាមការឱ្យដឹងរបស់លោកស៊ិន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យរដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិល។
អាកាសយានដ្ឋានអន្តរជាតិភ្នំពេញទទួលបានជើងហោះហើរក្នុងស្រុកចំនួន១៥៨កើនឡើង៤៨៥ភាគរយនិងមានជើងហោះហើរអន្តរជា តិ ចំនួន២.៣៧២ កើនឡើង១៥៧,៥៥ភាគរយធៀបនឹងរយៈពេលដូចគ្នាក្នុងឆ្នាំ២០២១។ចំនួនអ្នកដំណើរក្នុងស្រុកចំនួន៦.៨២៨ នាក់ កើនឡើង៥.៩៩៦ភាគរយ អន្តរជាតិចំនួន២៤៨.៨២៥នាក់ កើនឡើង៩៤៥ភាគរយ និងអ្នកដំណើរឆ្លងកាត់២.១៧១នាក់ កើនឡើង៩.៣៣៩ភាគរយ ធៀបនឹងរយៈពេលដូចគ្នា ក្នុងឆ្នាំ២០២១។
អាកាសយានដ្ឋានអន្តរជាតិសៀមរាប ទទួលបានជើងហោះហើរក្នុងស្រុកចំនួន២១២កើនឡើង៥២០០ភាគរយនិងមានជើងហោះហើរអន្តរជាតិចំនួន៧៨៥ កើនឡើង៧៧៥០ភាគរយធៀបនឹងរយៈពេលដូចគ្នាក្នុងឆ្នាំ២០២១។អ្នកដំណើរក្នុងស្រុកចំនួន៩.០៦៦នាក់ កើន ឡើង ១៣.០៣៩ភាគរយ អន្តរជាតិចំនួន៦៨.៥៥៧នាក់ កើនឡើង១.៣៧១.០៤០ភាគរយ និងអ្នកដំណើរឆ្លងកាត់៤៣៤នាក់។
អាកាសយានដ្ឋានអន្តរជាតិក្រុងព្រះសីហនុទទួលបានជើងហោះហើរក្នុងស្រុកចំនួន១០២កើនឡើង២៥១ភាគរយនិងមានជើងហោះហើរអន្តរជាតិចំនួន៨៥ កើនឡើង៣៧២ភាគរយ ធៀបនឹងរយៈពេលដូចគ្នា ក្នុងឆ្នាំ២០២១។ អ្នកដំណើរក្នុងស្រុកចំនួន២.៤៧៤នាក់កើនឡើង៤.៧៥០ភាគរយ អន្តរជាតិចំនួន២.២៤៤នាក់ កើនឡើង១.១៧៥ភាគរយ និងអ្នកដំណើរឆ្លងកាត់០នាក់ ធ្លាក់ចុះ១០០ភាគរយធៀបនឹងរយៈ ពេលដូចគ្នា ក្នុងឆ្នាំ២០២១៕ដោយៈផាវី
