ខេត្តព្រះសីហនុ៖ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ នាព្រឹកថ្ងៃទី២៨ ខែធ្នូ ឆ្នាំ២០២២ បានដឹកនាំមន្ត្រីជំនាញចុះពិនិត្យទីតាំងសាងសង់រោងចក្រផលិតសំបកកង់រថយន្ត រោងចក្រអគ្គិសនី ផ្ទាំងសូឡា និងរោងចក្រគ្រឿងសង្ហារិម ក្នុងបរិវេណតំបន់សេដ្ឋកិច្ចពិសេសក្រុងព្រះសីហនុ ស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ។
តំណាងរោងចក្រផលិតសំបកកង់រថយន្តបានឱ្យដឹងថា រោងចក្រមានគម្រោងសាងសង់លើផ្ទៃដី ២៨ហិកតា ។ជំហានទី១ សាងសង់លើផ្ទៃដី ១០ហិកតា សាងសង់បាន ៦០ភាគរយ និងបានដំឡើងមាស៊ីនបាន៥ភាគរយ បំពាក់ម៉ាស៊ីន ៥ជួរ ក្នុងនោះ៣ជួរជាម៉ាស៊ីនស្វ័យប្រវត្តិមិនចាំបាច់ប្រើមនុស្ស និង២ ជួរផ្សេងទៀត ប្រើប្រាស់កម្លាំងពលកម្មមនុស្ស រោងចក្រត្រូវការកម្លាំងពលកម្មចំនួន១ ៥០០នាក់។ដំណាក់កាលដំបូងអាចផលិតសំបករថយន្តប្រភេទឡានតូច បាន ១៥.០០០សំបក ក្នុងមួយថ្ងៃ ក្នុង កង់មួយអាចប្រើពេល៣៨វិនាទី។ដោយឡែកសំបកកង់ឡានធំអាចផលិតបាន ២.៥០០សំបងក្នុងមួយថ្ងៃ ក្នុងសំបកមួយអាចប្រើពេល ៦០វិនាទី។ដូច្នេះក្នុងមួយថ្ងៃអាចប្រើប្រាស់វត្ថុធាតុដើមជ័រកៅស៊ូ៣០០តោន វត្ថុធាតុដើមនាំចូលពីប្រទេសថៃ និងម៉ាឡេស៊ី។ បច្ចុប្បន្នក្រុម ហ៊ុនមានរោងចក្រនៅប្រទេសចិននិងប្រទេសថៃហើយសំបកកង់ដែលផលិតរួចនាំទៅកាន់សហរដ្ឋអាម៉េរិក។
ជាមួយគ្នានោះលោក គួច ចំរើន អភិបាលខេត្តព្រះសីហនុ បានថ្លែងអំណរគុណចំពោះលោកអគ្គនាយកតំបន់សេដ្ឋកិច្ចពិសេសនិងម្ចាស់រោងចក្រ ដែលបានជួយសម្របសម្រួលឱ្យក្រុមការងារបច្ចេក ទេសរបស់រដ្ឋបាលខេត្តចុះពិនិត្យទីតាំង រោងចក្រផលិតសំបកកង់រថយន្តរោងចក្រអគ្គិសនី សូឡា និងរោងចក្រផលិតគ្រឿងសង្ហារិមនៅក្នុងតំបន់សេដ្ឋកិច្ច ក្នុងនោះលោកក៏បានផ្ញើ សារជូនដល់យុវជនត្រូវខិតខំរៀនសូត្រសម្រាប់បំពេញការងារនៅក្នុងខេត្តព្រះ សីហនុ ដែលមានរោងចក្រ សហគ្រាសដែលប្រើប្រាស់កម្មករជំនាញបច្ចេកទេសប្រើដោយ រ៉ូបូត ដូចជារោងចក្រផលិតកង់ឡាន។រោងចក្រនេះមិនអាចមានតែកម្មករធម្មតាធ្វើការបានទេដូច្នេះយើងត្រៀមខ្លួនបំពេញសេចក្តីត្រូវការនៃអភិ វឌ្ឍន៍ ហើយក៏អាចផ្ដល់សញ្ញាដល់កសិករដែលជាអ្នកផលិតកសិផល ដើម្បីផ្គត់ផ្គង់ទៅដល់រោងចក្រ ដូចជាអ្នកដាំ កៅស៊ូនៅកម្ពុជាយើងមានរោងចក្រផលិតសំបកកង់រថយន្តត្រូវការជ័រកៅស៊ូក្នុងមួយថ្ងៃរហូតដល់៣០០តោន ដើម្បីផ្គត់ផ្គង់តម្រូវការក្នុងរោងចក្រ យើងមិនចង់ឱ្យមានការនាំចូលវត្ថុធាតុដើមពីក្រៅប្រទេស ព្រោះកម្ពុជាជាប្រទេសកសិកម្ម យើងមានសក្តានុពល ហើយទឹកដីមួយចំនួនត្រូវធ្វើការកែប្រែស្ថានភាពពីធ្វើស្រែរមកដាំដុះកៅស៊ូ។
លោកអភិបាលបានបន្ថែមថា៖ចំណែករោងចក្រក្តាបន្ទះ ត្រូវការដើមអាកាសហ្សា ដីកន្លែងណាក៏អាចដាំបានដែរ យើងអាចធ្វើការផ្លាស់ប្ដូរដាំដុះ ដើម្បីបង្កើនជីវភាពរបស់ពួកគាត់ យើងឃើលឃើញទាំងអស់គ្នា។ រោងចក្រផលិតកង់ឡាន ផលិតផលសូឡា សុទ្ធតែប្រើដោយរ៉ូបូតគ្រាន់តែតម្រូវការនៃប្រទេសនីមួយៗមានភាពខុសគ្នាលទ្ធកម្មផ្គត់ផ្គង់ទៅតាមលទ្ធភាព និងសមត្ថភាពដែលអាចធ្វើទៅបាន។ការផលិតរបស់យើងសុទ្ធសឹង តែនាំទៅអឺរ៉ុប និងអាម៉េរិក ទោះបីជាប្រ ទេសទំនើបក៏នៅតែត្រូវការផលិតផលពីកម្ពុជាយើងក៏ត្រូវការផលិតផលរបស់គេត្រឡប់មកវិញផងដែរ គឺជាផលិតផលបំពេញបន្ថែមឱ្យគ្នាទៅវិញទៅមក៕
