តុលាការអ៊ុយក្រែន នៅថ្ងៃទី២៧ ខែធ្នូ ឆ្នាំ២០២២ បានសម្រេចរឹបអូសទ្រព្យសម្បត្តិមហាសេដ្ឋីរុស្ស៊ីម្នាក់រកស៊ីខាងរ៉ែដែកក្នុងតម្លៃជិត ៥៤លានដុល្លារ។
យោងតាមសេវាសារព័ត៌មានរបស់បណ្តាញកងសន្តិសុខអ៊ុយក្រែន SSU ផ្សាយតាម បណ្តាញ Telegram បានឲ្យដឹងកាលពីថ្ងៃអង្គារទី២៧ ខែធ្នូ ឆ្នាំ២០២២ថា តុលាការអ៊ុយក្រែនពិតជាបានរឹបអូសទ្រព្យសម្បត្តិរបស់មហាសេដ្ឋីរុស្ស៊ី Alisher Usmanov ក្នុងតម្លៃប្រហែល ២ ពាន់លានរូបិយប័ណ្ណអ៊ុយក្រែន ស្មើនឹងជិត៥៤លានដុល្លារអាម៉េរិក។ តុលាការបន្តថា ជាលទ្ធផលនៃសកម្មភាពស៊ើបអង្កេត និងប្រតិបត្តិការ រួមជាមួយអ្នកស៊ើបអង្កេតនៃសេវាស៊ើបអង្កេតហិរញ្ញវត្ថុ ទីតាំងឃ្លាំងក្រោមដីនៃសហព័ន្ធរុស្ស៊ី ដែលជាកន្លែងមានរ៉ែដែកអ៊ុយក្រែនជាង ១៦០.០០០ តោនត្រូវបានបង្កើតឡើង វត្ថុធាតុដើមដែលលាក់កំបាំងផ្សេងៗត្រូវបានរកឃើញនៅលើទឹកដីនៃកំពង់ផែសមុទ្រជាច្រើននៃប្រទេសអ៊ុយក្រែន។ បណ្តុំរ៉ែដែកដែលបានរកឃើញគឺជាកម្មសិទ្ធិរបស់ក្រុមហ៊ុនមហាសេដ្ឋីរុស្ស៊ី Alisher Usmanovនេះហើយ ដែលជាផ្នែកមួយនៃរង្វង់ខាងក្នុងនៃយោធាកំពូល និងជាអ្នកដឹកនាំនយោបាយនៃវិមានក្រឹមឡាំង ដែលបានព្យាយាមដឹកជញ្ជូនវត្ថុធាតុដើមលាក់កំបាំងដោយខុសច្បាប់តាមនាវាសមុទ្រទៅកាន់ទឹកដីនៃប្រទេសរុស្ស៊ី។
ទន្ទឹមនឹងសេចក្តីសម្រេចនេះ ទ្រព្យសម្បត្តិដែលបានរកឃើញនឹងត្រូវបានរឹបអូស ហើយពាក់ព័ន្ធនឹងដំណើរការផ្ទេរវាទៅទីភ្នាក់ងារស៊ើបអង្កេត និងគ្រប់គ្រងទ្រព្យសម្បត្តិអ៊ុយក្រែន កំពុងត្រូវបានពិចារណាហើយ។ យោងតាមអគ្គរដ្ឋអាជ្ញាអ៊ុយក្រែនក្នុងអំឡុងសង្រ្គាម ទ្រព្យសម្បត្តិមហាសេដ្ឋីជាច្រើននាក់ត្រូវបានរកឃើញ និងរឹបអូសដោយអ៊ុយក្រែន។ កាលពីខែឧសភា មហាសេដ្ឋីរុស្ស៊ី Mikhail Fridman ត្រូវបានរឹបអូសទ្រព្យសម្បត្តិចំនួន ៤២០ លានដុល្លារ៕
ប្រភព៖ Ukrianska Pravda
