អ៊ុយក្រែននិយាយថា អាម៉េរិកកំពុងពន្លឿននីតិវិធីដាក់ពង្រាយប្រព័ន្ធមីស៊ីល Patriot ខណៈមិនយូរទៀតទេ មិនដល់៦ខែទេ វានឹងមកដល់ខ្សែប្រយុទ្ធអ៊ុយក្រែន។
យោងតាមរដ្ឋមន្រ្តីការបរទេសអ៊ុយក្រែន លោក Kuleba ថ្លែងក្នុងបទសម្ភាសន៍ជាមួយទីភ្នាក់ងារសារព័ត៌មាន AP កាលពីថ្ងៃអាទិត្យថ្មីៗនេះថា រដ្ឋាភិបាលអាម៉េរិកបច្ចុប្បន្នបានកំពុងរៀបចំផែនការពិសេសមួយ ដើម្បីពន្លឿនការបញ្ជូនប្រព័ន្ធម៉ាស៊ីលបាញ់មីស៊ីលដ៏មានសក្តានុពល Patriot សម្រាប់ប្រតិបត្តិការក្នុងប្រទេសអ៊ុយក្រែន ដើម្បីកុំឲ្យយូរលើសពី៦ខែ ខណៈជាធម្មតាការបណ្តុះបណ្តាលទូទៅចំពោះប្រព័ន្ធនេះត្រូវចំណាយពេលរហូតដល់មួយឆ្នាំឯណោះ។
Kuleba ក៏បាននិយាយផងដែរថា លោកពិតជា “ពេញចិត្ត” ចំពោះលទ្ធផលនៃដំណើរទស្សនកិច្ចរបស់ប្រធានាធិបតី Volodymyr Zelenskyy ទៅកាន់សហរដ្ឋអាម៉េរិកកាលពីសប្តាហ៍មុនខ្លាំងណាស់។ ការសម្រេចចិត្តរបស់ប្រធានាធិបតីអាម៉េរិក Joe Biden ក្នុងការផ្ទេរប្រព័ន្ធការពារដែនអាកាស Patriot មកអ៊ុយក្រែន គឺជាគំរូមួយ ដែលបង្ហាញពីការបើកទ្វារសម្រាប់ការផ្លាស់ប្តូរទៅកាន់សម្ព័ន្ធមិត្តផ្សេងទៀត៕
ប្រភព៖ Ukrainska Pravda
ប្រភពរូប៖ Ukrainska Pravda
ប្រែសម្រួល៖សុខ តុលា
