កំពត៖អាចពីផ្ទុកលើសចំណុះ ទូកប្រភេទមងកេវ១គ្រឿងបានលិចក្នុងសមុទ្រពេលកំពុងត្រឡប់មកពីនេសាទដល់ក្បែរកោះទន្សាយ។ហេតុការណ៍នោះបណ្តាលឱ្យបាត់ខ្លួនបុរសម្នាក់និងសង្គ្រោះបាន៤នាក់នេះកើតឡើងកាលពីកណ្តាលអធ្រាត្រថ្ងៃទី២៦ ខែធ្នូឆ្នាំ២០២២។
![](https://cambodiaflashnews.com/wp-content/uploads/2021/06/top-banner.gif)
លោកសឹម ហ៊ីម ប្រធានសហគមន៍នេសាទត្រពាំងសង្កែបានរៀបរាប់ថា កាលពីពាក់កណ្តាលយប់ថ្ងៃទី២៦ ខែធ្នូ ទូកអូសមងកេវមួយគ្រឿងរបស់អ្នកនេសាទមកពីឃុំត្រពាំងព្រីង ស្រុកទឹកឈូ បានលិចក្បែរកោះទន្សាយ។
មកដល់ព្រឹកថ្ងៃទី២៧ ខែធ្នូ កម្លាំងកងទ័ពជើងទឹក ព្រមទាំងសមត្ថកិច្ចនគរបាលការពារព្រំដែនទឹកខេត្តកែប សហការជាមួយប្រជានេសាទសហគមន៍បានតាមរកឃើញទូក និងសង្គ្រោះបុរស៤នាក់ក្នុងចំណោម៥នាក់រួចនាំមកដីគោកវិញ។
លោកប្រធានសហគមន៍បានបន្តថា បុរសដែលកំពុងបាត់ខ្លួននោះគាត់មិនចេះហែលទឹកទេ។មូលហេតុបណ្តាលឱ្យទូកនេះលិចគឺមកពីផ្ទុកលើសចំណុះ ព្រោះយប់នោះពួកគាត់នេសាទប៉ះចំហ្វូងត្រីច្រើន៕ដោយ៖កំចាយ