កំពង់ស្ពឺ៖អគ្គិភ័យបានឆេះផ្ទះអស់ទាំងស្រុងចំនួន៣ខ្នងផ្ទះជាមួយទ្រព្យសម្បត្តិ និងមនុស្សម្នាក់បានស្លាប់នៅស្រុកចំនួន២ក្នុងខេត្តកំពង់ស្ពឺ គឺស្រុកបសេដ្ឋនិងស្រុកភ្នំស្រួច។
សមត្ថកិច្ចផ្នែកអគ្គិភ័យខេត្តកំពង់ស្ពឺបានឱ្យដឹងថា ករណីទី១- កាលពីថ្ងៃទី២៥ ខែធ្នូ នៅភូមិត្រពាំងទន្លាប់ ឃុំទួលអំពិល ស្រុកបសេដ្ឋ ភ្លើងបានឆាបឆេះផ្ទះធ្វើពីឈើប្រក់ក្បឿងទំហំ៥ម៉ែត្រគុណ៧ម៉ែត្រ ម្ចាស់ឈ្មោះ សយ រ៉ា ភេទស្រី អាយុ៤៩ឆ្នាំ។
មូលហេតុបង្កពីការឆ្លងចរន្តអគ្គិសនីបណ្តាលខូចខាត-ផ្ទះ១ខ្នងអស់ទាំងស្រុង-ស្លាប់មនុស្សម្នាក់ឈ្មោះឡេង ណារ៉ាត់ ភេទប្រុស អាយុ ២៣ឆ្នាំ ត្រូវជាកូនម្ចាស់ផ្ទះ-ស្រូវ៤បាវ-ទូដាក់ខោអាវ១និងសម្ភារប្រើប្រាស់មួយចំនួនធំ។
ករណីទី២-កាលពីយប់ថ្ងៃទី២៥ ខែធ្នូ ភ្លើងបានឆាបឆេះផ្ទះចំនួន២ខ្នងផ្ទះឈើលើថ្មក្រោមប្រក់ក្បឿងជាមួយទ្រព្យសម្បត្តិជាច្រើន នៅភូមិទី១ ឃុំត្រែងត្រយឹង ស្រុកភ្នំស្រួច ។ម្ចាស់ឈ្មោះ ណុក ចន្ថា អាយុ ៤២ឆ្នាំ។មូលហេតុមកពីម្ចាស់ដុតទៀនបំភ្លឺ រួចដេកលក់បណ្តាលឱ្យឆេះរាលដាលដល់ពូកនិងឆេះផ្ទះចំនួន២ខ្នងតែម្តង។ផ្ទះផ្ទះទី១ ឆេះអស់ទាំងស្រុង-ម៉ូតូ២គ្រឿង-ទូឈើ១-លុយខ្មែរ៤លានរៀល-គ្រែចំនួន៤ និងសម្ភារផ្ទះបាយមួយចំនួនធំ។
ផ្ទះទី២-ធ្វើអំពីឈើប្រក់សង្ក័សី ឆេះអស់ទាំងស្រុង-ទូឈើ២-គ្រែ២-និងលុយខ្មែរ២០ម៉ឺនរៀល។ពេលភ្លើងឆេះ កម្លាំងអន្តរាគមន៍សង្គ្រោះបានចេញរថយន្តពន្លត់អគ្គិភ័យបានបាញ់ទឹកចំនួន៧គ្រឿង៕ដោយ៖វិចិត្រ
