ក្រុមមេឃខៀវ Manchester City នឹងបន្តការប្រឹងប្រែងរបស់ពួកគេ ដើម្បីបានឈ្នះពានរង្វាន់ ក្នុងកម្មវិធី League Cup ជាលើកទី៧ ក្នុងរយៈពេល ១០ឆ្នាំ ដោយការឡើងទៅវគ្គ ១/៤ ផ្តាច់ព្រ័ត្រ ជួបក្រុម Southampton ដែលជាក្រុមគូប្រជែង នៅក្របខ័ណ្ឌ Premier League។
![](https://cambodiaflashnews.com/wp-content/uploads/2021/06/top-banner.gif)
ក្រុម Man City បានយកឈ្នះក្រុមហង្សក្រហម Liverpool ដែលជាម្ចាស់ជើងឯកចាស់ ក្នុងកម្មវិធី League Cup នេះ ក្នុងលទ្ធផល ៣-២ ពីការប្រកួត នៅកីឡដ្ឋាន Etihad កាលពីថ្ងៃព្រហស្បតិ៍ ដែលនេះរាប់ថា ជាការប្រកួតដំបូង សម្រាប់ក្រុមយក្សទាំង ២ របស់អង់គ្លេស ចាប់តាំងពីការឈប់សម្រាក សម្រាប់ព្រឹត្តិការណ៍ World Cup។
ជាមួយគ្នានេះដែរ អ្នកគាំទ្ររបស់ក្រុម Charlton ដែលលេងនៅលីគលំដាប់ទី៣ អាចរៀបចំខ្លួនត្រៀមធ្វើដំណើរទៅកាន់ទឹកដី «Theatre of Dreams» (រោងល្ខោននៃក្ដីសុបិន) បានហើយ ដែលជារង្វាន់ បានពីការទម្លាក់ក្រុម Brighton ក្នុងវគ្គស៊ុតបាល់ប៉េណាល់ទីកាត់ក្ដី ដើម្បីបានឡើងមកប្រកួតប ក្នុងវគ្គ ៨ក្រុមចុងក្រោយ នៅកីឡដ្ឋាន Old Trafford។ Charlton គឺជាក្រុមសល់មួយចុងក្រោយគេ ដែលមិនមែនជាក្រុម នៅ Premier League ក្នុង League Cup នារដូវកាលនេះ។
ចំណែកឯ Nottingham Forest ដែលក្រុមម្ចាស់ជើងឯក League Cup ៤សម័យកាល នឹងធ្វើជាម្ចាស់ផ្ទះទទួលក្រុម Wolves ដែលធ្លាប់បានលើកពាននេះ ២ដងដែរ ក្នុងជំនួប Midlands Derby (ការប៉ះគ្នារវាងក្រុមនៅតំបន់ Midlands)។
ការប្រកួតវគ្គ ១/៤ ចុងក្រោយនេះដែរ ឃើញថា ក្រុម Newcastle ដែលកំពុងឡើងយ៉ាងខ្ពស់ ក្នុងតារាងពិន្ទុ នៅ Premier League ត្រូវស្វាគមន៍ក្រុមម្ចាស់ជើងឯក League Cup ៣សម័យកាល Leicester នៅទឹកដី St James’ Park។
ក្រុមត្រូវជួបគ្នា ក្នុងវគ្គ ៨ក្រុម ក្នុងកម្មវិធី League Cup ដែលគ្រប់គូនឹងត្រូវធ្វើការប្រកួត នៅយប់ថ្ងៃទី១០ ខែមករា ឆ្នាំ២០២៣៖
-Manchester United ប៉ះ Charlton
-Southampton ប៉ះ Manchester City
-Nottingham Forest ប៉ះ Wolves
-Newcastle ប៉ះ Leicester៕