ក្រោយធ្វើដំណើរទស្សនកិច្ចទៅកាន់សហរដ្ឋអាម៉េរិករួចរាល់ចប់សព្វគ្រប់ហើយ ហ្សេឡិនស្គីមេដឹកនាំអ៊ុយក្រែនបានធ្វើមាតុភូមិនិវត្តន៍ទៅប្រទេសកំណើតវិញដោយសុវត្ថិ ភាព។
![](https://cambodiaflashnews.com/wp-content/uploads/2021/06/top-banner.gif)
យោងតាមទីភ្នាក់ងារសារព័ត៌មាន AFP បានឲ្យដឹងថា ប្រធានាធិបតី Zelenskyy បានវិលត្រឡប់ទៅកាន់ប្រទេសអ៊ុយក្រែនវិញហើយកាលពីយប់ថ្ងៃព្រហស្បតិ៍ ទី២២ ខែធ្នូ ឆ្នាំ២០២២ បន្ទាប់ពីបានទៅបំពេញទស្សនកិច្ច១ថ្ងៃនៅសហរដ្ឋអាម៉េរិកនៅថ្ងៃពុធ ទី ២១ ខែធ្នូ ឆ្នាំ២០២២។ លោក Sergii Nykyforov លេខាធិការសារព័ត៌មានរបស់ប្រធានាធិបតីអ៊ុយក្រែន បានបញ្ជាក់ថា មេដឹកនាំអ៊ុយក្រែនបានឆ្លងកាត់តាមព្រំដែនចូលមកប្រទេសកំណើតដោយសុវត្ថិភាព ខណៈបានទាំងឆ្លៀតពេលឆៀងចូលជួបជាមួយលោកប្រធានាធិបតីប៉ូឡូញ Andrzej Duda ដែលជាសម្ព័ន្ធមិត្តទៀតផង។ សម្រង់សារហ្សេឡិនស្គី “យើងកំពុងត្រលប់មកពីវ៉ាស៊ីនតោនវិញជាមួយនឹងលទ្ធផលល្អ”។ ដោយបានអរគុណលោកប្រធានាធិបតី Joe Biden និងសភាអាម៉េរិកដែលបានគាំទ្រការប្រយុទ្ធរបស់អ៊ុយក្រែនប្រឆាំងនឹងរុស្ស៊ី។
ជុំវិញដំណើរក្រៅប្រទេសលើកដំបូងនេះ លោកស្គីមិនត្រូវបានគេរាយការណ៍ពីករណី ឬឧប្បត្តិហេតុមិនប្រក្រតីណាមួយកើតឡើងនោះទេ៕
ប្រភព៖ AFP
ប្រភពរូប៖AFP
ប្រែសម្រួល៖សុខ តុលា