បាត់ដំបង៖ក្រុមជនសង្ស័យចំនួន៦នាក់ជាមុខសញ្ញាលួចកាត់ខ្សែភ្លើងក្នុងក្រុងបាត់ដំបងនាពេលយប់ ត្រូវសមត្ថកិច្ចស្រាវជ្រាវចាប់បានជាបន្តបន្ទាប់និងរៀបចំបញ្ជូនទៅតុលាការ។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌខេត្តបាត់ដំបង បានឱ្យដឹងថា កាលពីថ្ងៃទី២១ ខែធ្នូ ឆ្នាំ២០២២ កម្លាំងជំនាញបានចុះបង្ក្រាបនិងឃាត់ខ្លួនជនសង្ស័យ បានចំនួន៦នាក់ជាមុខសញ្ញាសកម្មលួចកាត់ខ្សែភ្លើងនៅពេលយប់ក្នុងទីប្រជុំជនក្រុងបាត់ដំបង។
ជនសង្ស័យឈ្មោះរឿម សុខ អាយុ២៤ឆ្នាំ ឈ្មោះផេន លីហេង អាយុ១៧ឆ្នាំ- ឈ្មោះនី មករា អាយុ២២ឆ្នាំ ឈ្មោះយ៉ា កក្កដា អាយុ២៩ឆ្នាំ ឈ្មោះសាយ សុភាព អាយុ២៨ឆ្នាំនិងឈ្មោះសុខ ចិត្ត អាយុ២៩ឆ្នាំ។ទាំងអស់គ្នាមានទីលំនៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
វត្ថុតាងដកហូត៖ កង់ចំនួន២គ្រឿង ដែកមួយកំណាត់ កន្ត្រៃ ដង្កាប់ និងខ្សែភ្លើងមួយចំនួន។ក្រោយពីឃាត់ខ្លួននិងសាកសួររួច ជនសង្ស័យព្រមទាំងវត្ថុតាងផ្នែកជំនាញបានកសាងសំណុំរឿង រៀបចំបញ្ជូនទៅតុលាការដើម្បីអនុវត្តតាមច្បាប់៕ដោយ៖ព្រះអង្គខ្មៅ
