អង្គការសុខភាពពិភពលោក ហៅកាត់WHO បាននិយាយថា ហានិភ័យនៃជំងឺផ្លូវចិត្តផ្នែកសតិអារម្មណ៍នឹងកើនឡើងខ្ពស់នៅប្រទេសអ៊ុយក្រែន ខណៈសង្រ្គាមនៅតែបន្តអូសបន្លាយ។
![](https://cambodiaflashnews.com/wp-content/uploads/2021/06/top-banner.gif)
លោក Jarno Habicht អ្នកតំណាងអង្គការសុខភាពពិភពលោកប្រចាំប្រទេសអ៊ុយក្រែន បានប្រាប់សន្និសីទសារព័ត៌មាននៅទីក្រុងហ្សឺណែវនៅសប្តាហ៍នេះថា មនុស្ស ២០ លាននាក់ ឬប្រហែលមួយភាគបួននៃចំនួនប្រជាជនអ៊ុយក្រែនអាចទទួលរងពីជំងឺផ្លូវចិត្តដោយសារតែសង្គ្រាម។ “ក្នុង ២០លាននាក់ WHO បានប៉ាន់ប្រមាណថាមនុស្សរហូតដល់ ១០ លាននាក់មានហានិភ័យនៃទម្រង់បែបជំងឺផ្លូវចិត្តមួយចំនួន ដូចជាប្រែប្រួលពីការថប់បារម្ភ និងភាពតានតឹង រហូតដល់ស្ថានភាពធ្ងន់ធ្ងរ និងលក្ខខណ្ឌធ្ងន់ធ្ងររួមមានជំងឺស្ត្រេសក្រោយការប៉ះទង្គិចផ្លូវចិត្ត (PTSD)”។ ទន្ទឹមនឹងករណីទាំងនេះបន្តកើនឡើង បន្ទាប់ពីជម្លោះរយៈពេល១០ខែ ភ្នាក់ងារអង្គការសហប្រជាជាតិបានបើកការផ្តល់សេវាកម្មគាំទ្រជួយសង្រ្គោះ ក៏ដូចជាស៊ើបអង្កេតតាមអ៊ីនធើណេត។
រហូតមកដល់ពេលនេះ របាយការណ៍វាយប្រហារយ៉ាងហោចណាស់ ៧០០ ដងត្រូវបានរាយការណ៍លើប្រព័ន្ធថែទាំសុខភាពរបស់ប្រទេសអ៊ុយក្រែន ខណៈទិន្នន័យរបស់អង្គការសុខភាពពិភពលោកបានបង្ហាញពីការកើនឡើងនៃការវាយប្រហាររបស់រុស្ស៊ីលើហេដ្ឋារចនាសម្ព័ន្ធសំខាន់ៗ ប្រភពថាមពល ប៉ះពាល់ជនស៊ីវិលខ្លាំងចាប់តាំងពីខែ តុលា៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា