ប្រធានាធិបតីអ៊ុយក្រែន លោកហ្សេឡិនស្គី បានអះអាងនៅថ្ងៃអង្គារនេះថា ទ័ពអ៊ុយក្រែននៅតាមជួរមុខនៃខេត្តដូណេត បានវាយបែករុស្ស៊ីហើយ ខណៈចំនួនទាហានរុស្ស៊ីបាត់បង់កើនដល់ប្រមាណ១០ម៉ឺននាក់។
![](https://cambodiaflashnews.com/wp-content/uploads/2021/06/top-banner.gif)
យោងតាមបច្ចុប្បន្នភាពរបស់ប្រធានាធិបតីអ៊ុយក្រែន Volodymyr Zelenskyy ឈានចូលថ្ងៃអង្គារនេះ បាននិយាយថា ខ្សែបន្ទាត់តំបន់ Bakhmut នៃខេត្តដូណេត ដែលស្គាល់ថាជាកន្លែងកំពូលតានតឹងខ្លាំងបំផុត ឥឡូវនេះមិនត្រឹមតែវាយបំបែកកងទ័ពរុស្ស៊ីប៉ុណ្ណោះទេ ថែមទាំងទាហានស៊ីឈ្នួលរបស់រុស្ស៊ីបន្ទាប់បន្សំផ្សេងទៀតផងដែរ។ «បាកមុត»គឺជាកន្លែងក្តៅបំផុតនៅលើជួរមុខទាំងមូលរវាងភាគីទាំងពីរ – ចម្ងាយប្រមាណ ១៣០០ គីឡូម៉ែត្រនៃសកម្មភាពប៉ះទង្គិចគ្នាភាគខាងកើតនៃប្រទេសអ៊ុយក្រែន”។ យ៉ាងណាក៏ដោយ ស្ថិតក្រោមការវាយទប់របស់កម្លាំងការពារជាតិអ៊ុយក្រែន ទ័ពរុស្ស៊ីជាច្រើនបានខូចខាតយ៉ាងដំណំ។ លោកស្គីបានអរគុណយ៉ាងខ្លាំងទៅកាន់កងកម្លាំងការពារអ៊ុយក្រែនទាំងអស់ ពិសេសបានយកឈ្នះរុស្ស៊ី ដោយថ្លែងអំណរគុណដល់ទាហានអ៊ុយក្រែនដែលមានវីរភាពក្នុងការកាន់កាប់ផ្នែកខាងមុខ រួមមានដូចតទៅ៖អរគុណដល់កងកម្លាំងខ្សែបន្ទាត់ Bakhmut, Soledar, Avdiivka, Maryinka, ផ្នែកខាងមុខ Kreminna ក៏ដូចជាកងកម្លាំងនៅ Donbas ទាំងមូល។
លោកស្គីក៏បានលើកឡើងពីទំហំនៃទាហានរុស្ស៊ី៩៩.០០០នាក់ដែលបានបាត់បង់ឈានចូល១០០.០០០នាក់ ដោយថា លោកពូទីនមិនបានយកចិត្តទុកដាក់ខ្វល់ពីប្រជាជនខ្លួនឡើយ ក្រៅពីបញ្ជូនមកធ្វើរងកាណុងកាំភ្លើងដើម្បីបន្តប្រតិបត្តិការឈ្លានពាន។ ថ្វីបើដូច្នេះ សូមបញ្ជាក់ដដែលៗថា រុស្ស៊ីមិនបានធ្វើបច្ចុប្បន្នភាពទាក់ទងនឹងចំនួនទាហានរបស់ខ្លួនដែលស្លាប់នៅអ៊ុយក្រែននារយៈពេលច្រើនខែឡើយ ហើយក៏មិនមានប្រភពឯករាជ្យណាផ្ទៀងផ្ទាត់ត្រឹមត្រូវនោះដែរ៕
ប្រភព៖ UKRAINSKA PRAVDA
ប្រភពរូប៖UKRAINSKA PRAVDA
ប្រែសម្រួល៖សុខ តុលា