ភ្នំពេញ៖អគ្គិភ័យឆេះយ៉ាងសន្ធោសន្ធៅបានបំផ្លាញផ្ទះចំនួន៣ខ្នង ជាមួយសម្ភារជាច្រើនអស់ទាំងស្រុង និងមនុស្ស៣នាក់រងរបួស សមត្ថកិច្ចកំពុងស៊ើបអង្កេតក្នុងករណីនេះ។
![](https://cambodiaflashnews.com/wp-content/uploads/2021/06/top-banner.gif)
គ្រោះអគ្គិភ័យដែលឆាបឆេះបំផ្លាញផ្ទះអស់ចំនួន៣ខ្នងនិងសម្ភារអស់ទាំងស្រុងនេះនៅភូមិឫស្សីកែវ សង្កាត់ទួលសង្កែទី១ ខណ្ឌឫស្សីកែវ កាលពីថ្ងៃទី១៨ ខែធ្នូ។មន្ត្រីនគរបាលក្នុងប្រតិបត្តិការជួយ សង្គ្រោះបានឱ្យដឹងថា ករណីអគ្គិភ័យនេះបានកើតឡើងមិនទាន់ដឹងមូលហេតុនៅឡើយ ដោយសមត្ថកិច្ចបានប្រើរថយន្តបាញ់ទឹកចំនួន២៨គ្រឿងដើម្បីពន្លត់។
ចំពោះគ្រោះអគ្គិភ័យឆេះផ្ទះអស់ចំនួន៣ខ្នងទាំងស្រុង ជាប្រភេទផ្ទះថ្មក្រោមឈើលើ ដែលមានទំហំ៩ម៉ែត្រគុណ១២ម៉ែត្រ,ម៉ូតូចំនួន២គ្រឿង, ផាស្អេបចំនួន១គ្រឿង និងសម្ភារប្រើប្រាស់ជាច្រើន។ហេតុការណ៍នេះផ្នែកជំនាញកំពុងបើកការស្រាវជ្រាវរកមូលហេតុក្នុងករណីឆេះនេះ៕ដោយ៖វិចិត្រ