គណៈកម្មាធិការរៀបចំការប្រកួតបាល់ទាត់ពិភពលោក FIFA World Cup ២០២២ បានបដិសេធសំណើមេដឹកនាំអ៊ុយក្រែនហ្សេឡិនស្គី ដែលចង់បង្ហាញមុខមុនការប្រកួតផ្តាច់ព្រ័ត្រថ្ងៃអាទិត្យ។
![](https://cambodiaflashnews.com/wp-content/uploads/2021/06/top-banner.gif)
យោងតាមសេចក្តីរាយការណ៍ដោយបណ្តាញសារព័ត៌មាន CNN បានឲ្យដឹងថា FIFA បានច្រានចោលពិតមែនចំពោះការស្នើសុំបង្ហាញមុខជាសាធារណៈរបស់លោកប្រធានាធិបតីហ្សេឡិនស្គីរបស់អ៊ុយក្រែន នៅក្នុងការប្រកួតវគ្គផ្តាច់ព្រ័ត្រថ្ងៃអាទិត្យរវាងក្រុមជម្រើសជាតិប្រទេសអាហ្សង់ទីន និងប្រទេសបារាំង។ សេចក្តីរាយការណ៍មិនបានបញ្ជាក់ពីហេតុផលរបស់ FIFA នោះទេ តែបាននិយាយថា ក្រោយទទួលបានដំណឹងនេះ លោកហ្សេឡិនស្គីភ្ញាក់ផ្អើលយ៉ាងខ្លាំង មិននឹកស្មានថា FIFA នឹងធ្វើដូច្នេះដាក់ខ្លួន។
ចាប់តាំងពីមានសង្រ្គាមមក លោក Volodymyr Zelensky តែងតែទទួលបានសិទ្ធិក្នុងការបង្ហាញខ្លួនរៀបរាប់ពីស្ថានភាពប្រទេសជាបន្តបន្ទាប់ក្នុងអំឡុងកិច្ចប្រជុំសំខាន់ៗរបស់សម្ព័ន្ធប្រទេសអន្តរជាតិ ដូចជាកិច្ចប្រជុំណាតូជាដើម។ តែយ៉ាងណា គេបានកត់សម្គាល់ថា លោកក៏ត្រូវបានច្រានចោលផងដែរ ដូចជានៅក្នុងកិច្ចប្រជុំអាស៊ានកំពូលឆ្នាំ២០២២នេះ៕
ប្រភព៖ CNN
ប្រភពរូប៖CNN
ប្រែសម្រួល៖សុខ តុលា