ភ្នំពេញ៖កម្លាំងនគរបាលរាជធានីភ្នំពេញ បានចុះបង្ក្រាបករណីគ្រឿងញៀននៅ៣ទីតាំងផ្សេងគ្នា និងឃាត់ខ្លួនជនសង្ស័យចំនួន៧នាក់ ហើយនាំខ្លួនទៅតុលាការចាត់ការតាមនីតិវិធី។
មន្ត្រីក្នុងប្រតិបត្តិការបានឱ្យដឹងកាលពីរសៀលថ្ងៃទី១៦ ខែធ្នូថា កម្លាំងជំនាញបានចុះបង្ក្រាបករណីជួញដូរនិងប្រើប្រាស់នូវសារធាតុញៀនខុសច្បាប់លើ៣ទីតាំង និងឃាត់ខ្លួនមនុស្ស៧នាក់។
មន្ត្រីដដែលបានបន្តថា កាលពីយប់ថ្ងៃទី១៥ ខែធ្នូ នគរបាលប្រឆាំងគ្រឿងញៀនរាជធានីភ្នំពេញ ចុះល្បាតនៅតាមតំបន់សំណង់មិនរៀបរយទាំង១៤ខណ្ឌ បានបង្ក្រាបករណីជួញដូរ និងប្រើប្រាស់នូវសារធាតុញៀនលើ៣ទីតាំងដោយឃាត់ខ្លួន៧នាក់ក្នុងនោះមានស្រីម្នាក់។
ទីតាំងទី១-នៅបន្ទប់ជួល ភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ។២-នៅភូមិបុរីកម្មករ សង្កាត់ទឹកថ្លា ខណ្ឌសែនសុខ និង៣-ផ្លូវរថភ្លើង សង្កាត់ស្រះចក ខណ្ឌដូនពេញ។វត្ថុតាងចាប់បាន ក្រាមពណ៌សថ្លាសង្ស័យជាគ្រឿងញៀនចំនួន៣កញ្ចប់-ដបទឹកកែច្នៃសម្រាប់ប្រើប្រាស់គ្រឿងញៀននិងទូរសព្ទ៣គ្រឿង៕ដោយ៖វិចិត្រ