ដោយឡែក ងាកមកយក្សអាស៊ីឥណ្ឌាវិញម្តង នៅចុងសប្តាហ៍នេះបានធ្វើតេស្តសាកល្បងបាញ់ មីស៊ីលនុយក្លេអ៊ែរដោយជោគជ័យ ចំពេលមានភាពតានតឹងកើនឡើងថ្មីជាមួយចិន។
![](https://cambodiaflashnews.com/wp-content/uploads/2021/06/top-banner.gif)
រដ្ឋមន្ត្រីក្រសួងកិច្ចការសភាឥណ្ឌា លោក Pralhad Joshi បាននិយាយថា មីស៊ីលផ្លោងអន្តរទ្វីប Agni-V ត្រូវបានបាញ់កាលពីថ្ងៃព្រហស្បតិ៍ទី ១៥ ខែធ្នូ ដោយជោគជ័យចេញពីកោះ Abdul Kalam ក្នុងរដ្ឋ Odisha ភាគខាងកើតនៃប្រទេស។ លោក Joshi បានសរសេរលើ Twitter ដោយលើកឡើងថា៖ “កាំជ្រួចនេះនឹងបន្ថែមតម្លៃដ៏អស្ចារ្យដល់វិស័យការពារជាតិ និងពង្រឹងសន្តិសុខជាតិក្នុងកម្រិតកាន់តែខ្លាំងបន្ថែមទៀត”។ នៅក្នុងការធ្វើតេស្តនេះ សារព័ត៌មានឥណ្ឌាក៏បាននិយាយថា អាជ្ញាធរឥណ្ឌាបាន ចេញសេចក្តីជូនដំណឹងរួចរាល់ និងបានប្រកាសបិទការហោះហើរតាមឆ្នេរសមុទ្រ Bengal ខណៈមីស៊ីលនេះអាចបាញ់គ្របដណ្តប់ស្ទើរតែទាំងអស់នៃប្រទេសចិនដីគោក។
ការបាញ់នេះ បានកើតឡើងចំពេលដែលមានភាពតានតឹងថ្មីប៉ះទង្គិចគ្នាកើនឡើងនៅព្រំដែន ភ្នំហិមាល័យ ជាមួយប្រទេសចិននៅខែធ្នូនេះ ទោះបីរដ្ឋមន្ត្រីការពារជាតិឥណ្ឌា Rajnath Singh បាននិយាយថា គ្មានទាហានឥណ្ឌាណាម្នាក់រងរបួសធ្ងន់ធ្ងរ ហើយកងទ័ពទាំងសងខាង បានដកខ្លួនចេញពីតំបន់នោះហើយក៏ដោយ៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា