ភ្នំពេញ៖សមត្ថកិច្ចបានស្រាវជ្រាវនិងឃាត់ខ្លួនជនជាតិចិននិងខ្មែរប្រុសស្រីចំនួន៥នាក់ ដោយសង្ស័យ ពាក់ព័ន្ធករណីដាក់គ្រាប់បែកនៅលើសួនច្បារជិតក្រុមហ៊ុនណាហ្គាវើលដ៍។
![](https://cambodiaflashnews.com/wp-content/uploads/2021/06/top-banner.gif)
មន្ត្រីជំនាញបានឱ្យដឹងថា ជនជាតិចិននិងខ្មែរប្រុសស្រីទាំង៥នាក់ ត្រូវបានឃាត់ខ្លួនកាលពីយប់ថ្ងៃទី១៥ ខែធ្នូ ឆ្នាំ២០២២ ដោយកម្លាំងនគរបាលខណ្ឌចំការមន សហការជាមួយកម្លាំងនាយកដ្ឋាននគរបាលក្រសួងមហាផ្ទៃ នៅផ្ទះលេខ១៩ បុរីប៉េងហួតបឹងស្នោ ផ្លូវM-២ សង្កាត់និរោធ ខណ្ឌច្បារអំពៅ។
ជនសង្ស័យឈ្មោះ YANG JIAKANG អាយុ២៦ឆ្នាំ អ្នកបើករថយន្ត, ឈ្មោះ TU LINAN ភេទស្រី អាយុ២៣ឆ្នាំ, ឈ្មោះ YANG YUDONG អាយុ២៥ឆ្នាំ, ឈ្មោះ CHEN DI អាយុ២៩ឆ្នាំ និងឈ្មោះ សួង ស្រីអូន ភេទស្រី អាយុ៣៦ឆ្នាំ ជនជាតិខ្មែរ ។
ចំណែកវត្ថុតាងចាប់យកបាន៖ រថយន្ត១គ្រឿងម៉ាក LANG ROVER DEFENDER ពណ៌ស្លែផ្លាកលេខ កម្ពុជា-LC.9888 ។ក្រោយមកជនសង្ស័យ រួមទាំងវត្ថុតាងខាងលើត្រូវបានបញ្ជូនទៅនាយកដ្ឋាននគរបាលព្រហ្មទណ្ឌក្រសួងមហាផ្ទៃដើម្បីបន្តនីតិវិធី៕ដោយ៖វិចិត្រ