ភ្នំពេញ៖កាលពីម៉ោង៩ព្រឹក ថ្ងៃទី១៥ ខែធ្នូ មានរថភ្លើងមួយខ្សែធ្វើដំណើរឆ្លងកាត់ភូមិកាកាប សង្កាត់កាកាបទី២ ខណ្ឌពោធិ៍សែនជ័យ ស្រាប់តែមានបុរសម្នាក់បានរត់ចូលរថភ្លើងនោះបណ្តាលឱ្យរងរបួសធ្ងន់។
ប្រជាពលរដ្ឋបានឱ្យដឹងថា បុរសខាងលើគេតែងតែងឃើញដើររើសអេតចាយនៅកន្លែងនោះជារៀងរាល់ថ្ងៃ។នៅវេលាកើតហេតុ មានរថភ្លើងមួយខ្សែបានបើកឆ្លងកាត់ ស្រាប់តែបុរសនោះបានរត់បំបុករថភ្លើងបណ្តាលឱ្យរងរបួសធ្ងន់ បង្កការភ្ញាក់ផ្អើល ហើយប្រជាពលរដ្ឋបានរាយការណ៍ទៅសមត្ថកិច្ចមូលដ្ឋានភ្លាមៗ។
ក្រោយមកមានរថយន្តសង្គ្រោះបន្ទាន់នៃមន្ទីរពេទ្យមួយបានមកដល់ តែដោយឃើញជនរងរបួសជាអ្នករើសអេតចាយក៏បើកហួសទៅបាត់ ដោយមិនដឹកយកទៅព្យាបាលទេ ទុកឱ្យបុរសនោះដេកដួលរបួសធ្ងន់ធ្ងរនៅទីនោះនិងមិនមានខាងណាមកជួយសង្គ្រោះឡើយ៕ដោយ៖វិចិត្រ
