ក្រចេះ៖ ស្ត្រីម្នាក់ត្រូវដឹកទៅមន្ទីរពេទ្យខេត្តស្ទឹងត្រែងដើម្បីជួយសង្គ្រោះ បន្ទាប់ពីឈរកិនទឹកអំពៅខ្យល់ប៉ើងសក់ចូលក្នុងម៉ាស៊ីនទឹកអំពៅនោះ ហើយបោចសក់អស់នៅសល់តែលលាដ៍ក្បាល ។ហេតុការណ៍នេះបានកើតឡើងនៅភូមិឧបសម្ព័ន្ធអូរអំពៅ ឃុំរលួសមានជ័យ ស្រុកសំបូរ ខេត្តក្រចេះ កាលពីព្រឹកថ្ងៃទី១៥ ខែធ្នូ។
![](https://cambodiaflashnews.com/wp-content/uploads/2021/06/top-banner.gif)
ក្រុមគ្រួសារបានបន្តថា ដោយសារការធ្វេសប្រហែសមិនបានរៀបចំខ្លួនត្រឹមត្រូវ ហើយបង្កឱ្យមានគ្រោះថ្នាក់របួសទាំងដៃឆ្វេងម្ខាងផងនិងសក់ក្បាលរមូរចូលក្នុងម៉ាស៊ីនកិនទឹកអំពៅទាំងអស់តែម្តង។
លោកវេជ្ជបណ្ឌិត ទន វុទ្ធី អនុប្រធានមន្ទីរសុខាភិបាលខេត្តស្ទឹងត្រែងបានបញ្ជាក់ថា គ្រោះថ្នាក់នេះមានស្ថានភាពធ្ងន់ធ្ងរ មិនអាចទុកព្យាបាលនៅមន្ទីរពេទ្យបង្អែកខេត្តនេះបានទេ។ស្ថានភាពគ្រោះថ្នាក់នេះលោកបានរៀបចំឯកសារបញ្ជូនទៅពេទ្យនៅរាជធានីភ្នំពេញ។ តែក្រុមគ្រួសារបានស្នើសុំឱ្យជួយបញ្ជូនទៅពេទ្យប្រទេសវៀតណាមតាមច្រកអន្តរជាតិត្រពាំងខ្លុងខេត្តត្បូងឃ្មុំវិញ៕
ដោយ៖សុខុម