ដើម្បីជាការប្តេជ្ញាចិត្តក្នុងរដូវរងានេះ សម្ព័ន្ធមិត្ត៧០ប្រទេស រួមទាំងកម្ពុជា និងស្ថាប័នជាច្រើនទូទាំងពិភពលោក បានសម្រុកផ្តល់ជំនួយអ៊ុយក្រែនសរុបជាង១ពាន់លានដុល្លារ។
ការផ្តល់នេះ ត្រូវបានធ្វើឡើងក្នុងកិច្ចប្រជុំប្រទេសបារាំងដែលជាម្ចាស់ផ្ទះ ខណៈប្រទេសទាំង៧០ដែលជាសម្ព័ន្ធមិត្តរបស់ខ្លួន ស្ថាប័នជុំវិញពិភពលោក បានរួមគ្នាពិភាក្សាថាតើគួរជួយអ៊ុយក្រែនយ៉ាងណានៅចន្លោះរដូវរងាដែលនឹងអូសបន្លាយរហូតដល់ខែមីនា ឆ្នាំ២០២៣។
រដ្ឋមន្ត្រីការបរទេសបារាំង លោកស្រី Catherine Colonna បាននិយាយប្រាប់ថា ភាគីទាំងអស់បានសម្រេចសម្រួលគ្នាផ្តល់នូវជំនួយជាទឹកប្រាក់ជាង ១ ពាន់លានអឺរ៉ូ ស្មើនឹង១,០៥លានដុល្លារអាម៉េរិក។ ខណៈជាមួយនោះ ៤១៥ លានដុល្លារ នឹងត្រូវរ៉ាប់រងលើវិស័យថាមពលរបស់អ៊ុយក្រែន។ លោកស្រីបន្តថា ការចូលរួមមិនមែនត្រឹមតែប្រទេសលោកខាងលិចនោះទេ តែក៏មានដូចជាកាតា និងកម្ពុជាម្ចាស់ផ្ទះអាស៊ានផងដែរក្នុងការគាំទ្រសម្រាប់អ៊ុយក្រែន។ អ្នកស្រីបាននិយាយថា មូលនិធិដែលនៅសល់នឹងត្រូវបញ្ជូនទៅកាន់វិស័យសុខាភិបាល អាហារ ទឹក និងដឹកជញ្ជូនរបស់ប្រទេសអ៊ុយក្រែន។
ជាការដឹងគុណ នាយករដ្ឋមន្ត្រីអ៊ុយក្រែន លោក Denys Shmyhal បានប្រាប់អ្នកយកព័ត៌មាននៅទីក្រុងប៉ារីសថា “នេះគឺជាសញ្ញាដ៏មានឥទ្ធិពលមួយដើម្បីបង្ហាញថាពិភពលោកអរិយធម៌កំពុងគាំទ្រអ៊ុយក្រែន” ។ “យើងមានអំណរគុណចំពោះប្រទេសដែលនៅក្បែរយើងនៅពេលយើងរងការឈ្លានពានដោយរុស្ស៊ីលើទឹកដីរបស់យើង និងហេដ្ឋារចនាសម្ព័ន្ធស៊ីវិលរបស់យើង”៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
