បាត់ដំបង៖គ្រោះថ្នាក់ចរាចរដោយរថយន្តដឹកដីបើកហើយបត់បង្ខំ ត្រូវម៉ូតូមកពីក្រោយបុកពេញទំហឹងបណ្តាលឱ្យស្លាប់ម្នាក់ របួសធ្ងន់២នាក់។ហេតុការណ៍ដ៏សង្វេគនោះបានកើតឡើងនៅភូមិអូរខ្ជាយត្បូង ឃុំអូរដំបង១ ស្រុកសង្កែ ខេត្តបាត់ដំបង នៅព្រឹកថ្ងៃទី១៤ ខែធ្នូនេះ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលបានឱ្យដឹងថា ជនរងគ្រោះឈ្មោះម៉ែន បូរាន អាយុ ៣៣ឆ្នាំ របួសធ្ងន់ នៅភូមិរាំងក្រោល ស្រុកសង្កែ ខេត្តបាត់ដំបង ជិះម៉ូតូឌុបក្មួយ ២នាក់ឈ្មោះឃឿប សុខេន អាយុ ៦ឆ្នាំបានស្លាប់ និងក្មេងស្រីម្នាក់ឈ្មោះឃឿប សុនី អាយុ៤ឆ្នាំ របួសធ្ងន់។
មុនកើតហេតុ បុរសរងគ្រោះជិះម៉ូតូផ្លាកលេខបន្ទាយមានជ័យ 1A-5880 ដឹកក្មេងៗឡើងវ៉ាជែងក្នុងល្បឿនលឿនបានជ្រុលបុកជាមួយរថយន្តដឹកដីគ្មានផ្លាកលេខកំពុងបត់បណ្តាលឱ្យមានអ្នកស្លាប់និងរងរបួសធ្ងន់តែម្តង។ចំណែកតៃកុងរថយន្តបានចុះរត់គេចខ្លួនបាត់។
ក្រោយហេតុការណ៍កើតឡើង កម្លាំងនគរបាលបានចុះពិនិត្យនិងយកមធ្យោបាយទាំង២ទៅរក្សាទុកនៅនគរបាលចរាចរណ៍ខេត្តរង់ចាំការដោះស្រាយពេលក្រោយ៕ដោយ: ព្រះអង្គខ្មៅ