ភ្នំពេញ៖សាលារៀនអន្តរជាតិ Shrewsbury (ភ្នំពេញ) កាលពីថ្ងៃទី១០ ខែធ្នូ ឆ្នាំ២០២២ បានប្រារព្ធធ្វើពិធីក្រុងពាលីដើម្បីចាប់ផ្តើមសាងសង់នៅក្នុងបុរី JOVAN CITY ដែលស្ថិតក្នុងខណ្ឌជ្រោយចង្វារ រាជធានីភ្នំពេញ។
ក្នុងពិធីក្រុងពាលីនេះ មានការអញ្ជើញចូលរួមពីសំណាក់ឯកឧត្តម ឡាវ វ៉ាន់ អនុរដ្ឋលេខាធិការនៃក្រសួងសាធារណការ និងដឹកជញ្ជូន ប្រធានផ្នែកគ្រប់គ្រងនិស្សិតក្រៅប្រទេស និងជាប្រធានក្រុមការងារគ្រប់គ្រងនិស្សិតក្រៅប្រទេសប្រចាំសាធារណរដ្ឋប្រជាមានិតចិន នៃសមាគមសិស្សនិស្សិតអាហារូបករណ៍សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត លោក XU WENYAO នាយកចាត់ការទូទៅក្រុមហ៊ុនសាន់វ៉ាគ្រុបប្រចាំនៅកម្ពុជា លោក Dong Gui Yuan អគ្គនាយករងធនាគារ អាយស៊ីប៊ីស៊ី សាខាភ្នំពេញ លោក Alice Chuang អគ្គនាយកធនាគារកាថេយូណៃធីត(កម្ពុជា) លោក Toby Waterson នៃសាលារៀនអន្តរជាតិ Shrewsbury (ភ្នំពេញ) លោក Charles Wong សហស្ថាបនិក និងនាយកប្រតិបត្តិនៃសាលារៀនអន្តរជាតិ Shrewsbury (ភ្នំពេញ) លោក Keith Chan អគ្គនាយកចាត់ការទូទៅ លោក Jin Yong ប្រធានក្រុមប្រឹក្សាភិបាលក្រុមហ៊ុន Zhong Jiang គ្រុប លោក KONG JIANMING ប្រធានក្រុមប្រឹក្សាភិបាលនៃក្រុមហ៊ុន អ៊ីស្ត អេស៊ា ជាយ័ន គ្រុប និងលោក Harry Mann ដែលជាអ្នកឌីហ្សាញបានផ្តល់កិត្តិយសចូលរួមជាអធិបតីភាពនៃព្រឹត្តិការណ៍ប្រវត្តិសាស្ត្រនេះ។
លោក Toby Waterson ស្ថាបនិកសាលារៀនអន្តរជាតិ Shrewsbury បានថ្លែងថា៖ សាលារៀនអន្តរជាតិ Shrewsbury(ភ្នំពេញ)នឹងនាំមកនូវគុណភាពអប់រំលំដាប់កំពូលលើពិភពលោកពីប្រទេសអង់គ្លេសដែលមានប្រវត្តិជិត ៥០០ ឆ្នាំ ជូនប្រទេសកម្ពុជាហើយក៏នឹងក្លាយទៅ ជាសាលារៀនអន្តរជាតិលំដាប់កំពូលនៅកម្ពុជាដើម្បីបំពេញតម្រូវការធនធានអប់រំឆ្នើមរបស់ប្រទេសកម្ពុជាថែមមួយកម្រិតទៀត។ការស្ថាបនាសាលារៀនអន្តរជាតិ Shrewsbury (ភ្នំពេញ) មិនត្រឹមតែជាការពង្រឹងនូវហេដ្ឋារចនាសម្ព័ន្ធគាំទ្ររបស់ខណ្ឌជ្រោយចង្វារប៉ុណ្ណោះទេ ហើយក៏ជាការជំរុញនូវកិច្ចអភិវឌ្ឍនៃវិស័យអប់រំកម្ពុជាផងដែរ។
លោកជឿជាក់ថានាអនាគតខាងមុខប្រទេសកម្ពុជានឹងចាប់ផ្តើមឃើញគ្រួសារនៅបរទេសបញ្ជូនកូនចៅឲ្យមកសិក្សានៅប្រទេសកម្ពុជាដែលនេះគឺនឹងកែប្រែនិន្នាការនៃការបញ្ជូន កូនចៅទៅទទួលយកការអប់រំនៅក្រៅប្រទេស នាពេលបច្ចុប្បន្នរបស់គ្រួសារមួយចំនួន។
លោក KONG JIANMING ប្រធានក្រុមប្រឹក្សាភិបាលនៃក្រុមហ៊ុន អ៊ីស្ត អេស៊ា ជា យ័ន គ្រុប បានបញ្ជាក់ថា៖ ការដំណើរការជាផ្លូវការរបស់សាលារៀនអន្តរជាតិ Shrewsbury (ភ្នំពេញ) គឺជាវិភាគទានដ៏មហិមាដល់ការជំរុញនូវវឌ្ឍនភាពនៃដំណើរអន្តរជាតូបនីយកម្មរបស់រាជធានីភ្នំពេញ ហើយនេះក៏ជាជំហានដ៏សំខាន់របស់បុរី JOVAN CITY ក្នុងការជំរុញការអភិវឌ្ឍរបស់រាជធានីភ្នំពេញ ការបង្កើតប្រព័ន្ធអប់រំវរជននិងបំពេញបន្ថែមនូវភាពពេញលេញនៃបរិក្ខារមុខងាររបស់ខណ្ឌជ្រោចង្វារក៏ដូចជាការរៀបចំបណ្តុះបណ្តាលធនធានមនុស្សលំដាប់កំពូលលើពិភពលោកជូនប្រទេសកម្ពុជាផងដែរ។
លោកបានបន្តថា៖បុរី JOVAN CITY ស្ថាបនាសហគមន៍ធនធានអប់រំលំដាប់កំពូលពិភពលោកតែមួយគត់នៅប្រទេសកម្ពុជាដើម្បីគាំទ្រនិងផ្គត់ផ្គង់ធនធានមនុស្សដល់កម្ពុជា។ ទៅថ្ងៃអនាគត ក្រុមហ៊ុន JOVAN នឹងបន្តភាពសកម្មនិងការជំរុញការអភិវឌ្ឍរបស់ទីក្រុង និងក្លាយខ្លួនទៅជាអ្នកសម្រេចនូវការច្នៃបង្កើ្តតជីវភាពរស់នៅដ៏ល្អប្រសើរ។ លោកសូមថ្លែងអំណរគុណចំពោះថ្នាក់ដឹកនាំ និងសហការីទាំងអស់របស់សាលារៀនអន្តរជាតិ Shrewsbury ដែលមានទំនុកចិត្ត និងគាំទ្រក្រុមហ៊ុន JOVAN យើងខ្ញុំ ព្រមទាំងបានបណ្តាក់នូវគ្រឹះអប់រំដ៏រឹងមាំ និងល្អប្រសើរជូនបុរី JOVAN CITY។ទន្ទឹមនឹងការបញ្ចប់កម្មវិធីសែនក្រុងពាលី ទំព័រប្រវត្តិសាស្ត្រថ្មីនៃវិស័យអប់រំក៏ត្រូវបានបើកឡើង នេះក៏មានន័យថាវិស័យអប់រំនៅកម្ពុជាបានឈានទៅមុខថែមមួយកម្រិតទៀត។
សាលារៀនអន្តរជាតិ Shrewsbury គឺជាសាលារដ្ឋមួយក្នុងចំណោមសាលារដ្ឋទាំងប្រាំបួនដែលល្បីល្បាញលើពិភពលោករបស់ប្រទេសអង់គ្លេសហើយក៏ជាសាលាឆ្នើមជាងគេនិងមានប្រវត្តិយូរជាងគេបង្អស់ក្នុងចំណោមសាលាទាំង៩របស់ប្រទេសអង់គ្លេសផងដែរ។ ប្រភពនៃកំណើតសាលារដ្ឋទាំងប្រាំបួនគឺអាចស្វែងរកដានឃើញតាំងពីឆ្នាំ៥៩៨នៃគ្រិស្តសករាជមកម្ល៉េះ។មូលហេតុដែលសាលារដ្ឋទាំង៩មានភាពរុងរឿងមិនថមថយនោះគឺដោយសារតែកត្តាអភិជន ខ្សែលោហិត ចំណេះវិជ្ជានិងទ្រព្យសម្បត្តិ។កត្តាទាំងបួននេះទ្រទ្រង់នូវលក្ខខណ្ឌផ្តល់ការបង្ហាត់បង្រៀន សមាសភាពគ្រូ និងកម្រិតអប់រំលំដាប់កំពូល ហើយក៏បានបណ្តុះបណ្តាលនូវវរជនល្បីល្បាញលើពិភពលោកជាច្រើនអ្នកផងដែរ។ ហេតុដូច្នេះហើយ ប្រសិនបើនិយាយពីសាលារដ្ឋទាំងប្រាំបួនដែលល្បីឈ្មោះលើពិភពលោក អ្វីដែលគេនឹងឃើញដំបូងនោះគឺ “អភិជន”។ចាប់ពីថ្ងៃបង្កើតសាលាមកទល់បច្ចុប្បន្ន សិស្សដែលសាលារដ្ឋទាំងប្រាំបួនបានបណ្តុះបណ្តាល គឺមិនត្រឹមតែមានខ្សែរាជវង្សអង់គ្លេស ហើយក៏មានសិស្សដែលមកពីវណ្ណៈអភិជន កូនចៅវិទូ តារា សហគ្រិនឆ្នើម។ល។ ហើយវិរបុរស និងមេទ័ពទាំងអស់ដែលលេចធ្លោក្នុងសម័យសង្គ្រាមលោកលើកទី១និងលើកទី ២ គឺសុទ្ធតែមានមកពីសាលារៀនទាំងនេះនេះក៏រាប់បញ្ចូលទាំងអ្នកឈ្នះរង្វាន់ណូប៊ែល វិទ្យាសាស្ត្រវិទូ និងកវីល្បីៗជាច្រើនរូបផងដែរ។
សាលារៀនអន្តរជាតិ Shrewsbury (ភ្នំពេញ) ស្ថិតនៅជាប់បុរី JOVAN CITY គម្រោងទីមួយ គឺជាសាលារៀនអន្តរជាតិតែមួយគត់ក្នុងរង្វង់ដប់គីឡូម៉ែត្រនៃខណ្ឌជ្រោយចង្វារ។ សាលាលាតសន្ធឹងលើផ្ទៃដី ១០ ម៉ឺនម៉ែត្រក្រឡា និងអាចទទួលសិស្សរហូតដល់ ២០០០ នាក់ ចាប់ពីកម្រិតមតេយ្យ រហូតដល់ បឋម អនុវិទ្យាល័យ និងផ្នែកជំនាញឯកទេស។ កម្រិតសិក្សានីមួយៗមានការកំណត់យ៉ាងតឹងរ៉ឹងទៅលើលក្ខខណ្ឌតម្រូវ និងចំនួនសិស្ស។ សាលារៀននឹងបើកបវេសណកាលជាផ្លូវការនៅខែកញ្ញា ឆ្នាំ២០២៤។
សាលាផ្តល់ជូនវគ្គ IGCSE និង A-Level ទៅដល់សិស្សានុសិស្សគ្រប់វ័យ។ សាលារៀនអន្តរជាតិ Shrewsbury (ភ្នំពេញ)ស្នងនូវខ្សែលោហិត និងស្មារតីជំនាញសិក្សា ជិត ៥០០ ឆ្នាំពីប្រទេសអង់គ្លេស បូកផ្សំបទពិសោធន៍សាលាអន្តរជាតិនៅហុងកុង និងក្វាងចូវប្រទេសចិន ប្រទេសថៃ ដោយរួមបញ្ចូលនូវចំណុចពិសេសនៃមជ្ឈដ្ឋានអប់រំ និងវប្បធម៌នៅកម្ពុជា។ សាលារៀនបង្ហាត់ជាភាសាអង់គ្លេសជាចម្បង ឲ្យតម្លៃទៅលើសមត្ថភាពភាសាចិន ព្រមទាំងបញ្ចូលវប្បធម៌សិល្បៈនិងកីឡាហើយសាលាក៏ឲ្យតម្លៃទៅលើការបណ្តុះបណ្តាលសមត្ថភាព និងចំណង់ចំណូលចិត្តរបស់សិស្សានុសិស្សផងដែរ។ សាលាមានក្រុមគ្រូបង្រៀនដែលមានបទពិសោធន៍សម្បូរបែបនិងគោរពតាមទស្សនៈអប់រំរបស់សាលារៀន Shrewsbury នៅប្រទេសអង់គ្លេស ផ្តល់ជូននូវការអប់រំបណ្តុះបណ្តាលជំនាញយ៉ាងពិតប្រាកដ និងល្អបំផុតហើយព្រមទាំងផ្តល់នូវវគ្គសកម្មភាពក្រៅម៉ោងសិក្សា និងសេវាគាំទ្រប្រឹក្សាយោបល់ដល់សិស្ស។ សាលាប្តេជ្ញាចិត្តក្នុងការបង្កើតសាលាឲ្យទៅជាសាលាអន្តរជាតិដ៏ឆ្នើមនិងថ្លៃថ្នូរបំផុតនៅក្នុងកម្ពុជានិងនៅក្នុងអាស៊ីអាគ្នេយ៍ទាំងមូល៕ដោយៈក្រុមហ៊ុន
