អគ្គិភ័យបានឆាបឆេះរោងចក្រផលិតសម្បកកង់យន្តហោះ និងសម្ភារយោធារុស្ស៊ីមួយកន្លែងក្នុងទីក្រុង Barnaul ភាគកណ្តាលប្រទេសរុស្ស៊ី កាលពីល្ងាចថ្ងៃសុក្រទី ៩ ខែធ្នូ។
![](https://cambodiaflashnews.com/wp-content/uploads/2021/06/top-banner.gif)
យោងតាមការដកស្រង់របស់ការិយាល័យព្រះរាជអាជ្ញារុស្ស៊ីតំបន់ Altai Krai បានឲ្យដឹងថា ភ្លើងបានឆាបឆេះនៅវេលាម៉ោង៥ លើរោងចក្រផលិតសម្បកកង់យន្តហោះ និងសម្ភារយោធារុស្ស៊ីមួយកន្លែង លើទំហំដី ១០០០ម៉ែត្រក្រឡា។ ប្រតិបត្តិការនេះមានភាពស្មុគស្មាញដោយសារសីតុណ្ហភាពទាប និងផ្សែងខ្លាំង។
អាជ្ញាធរបានដាក់ពង្រាយក្រុមភ្នាក់ងារពន្លត់១១០នាក់ និងរថយន្ដ៣៣គ្រឿងបានចូលរួមពន្លត់ភ្លើង ខណៈបន្ទាប់ពី៥ម៉ោង ភ្លើងក៏ត្រូវបានពន្លត់ជាស្ថាពរ សង្រ្គោះបានមនុស្សបីនាក់ចេញពីរោងចក្រ។ ព័ត៌មានបន្ថែមមិនមានអ្នករបួស និងអ្នកស្លាប់នោះទេ។ ការិយាល័យអយ្យការមូលដ្ឋានកំពុងបើកការស៊ើបអង្កេត ដើម្បីរកមូលហេតុនៃការឆេះនេះ៕
ប្រភព៖ Pravda
ប្រភពរូប៖AFP
ប្រែសម្រួល៖សុខ តុលា