មហាសេដ្ឋីជប៉ុនឲ្យតារាK-pop TOP និង DJ Steve Aoki ទៅកម្សាន្តនៅឋានព្រះចន្ទ

ប្រែសម្រួល៖សហការី

នៅថ្ងៃសុក្រមហាសេដ្ឋីជប៉ុន Yusaku Maezawa បានប្រកាសថា តារា K-pop TOP និង DJ Steve Aoki នឹងមានឈ្មោះក្នុងចំណោមនាវិកទាំង ៨ នាក់ ក្នុងគម្រោងធ្វើដំណើរដ៏ឆាប់រហ័សមួយទៅជុំវិញឋានព្រះចន្ទក្នុងឆ្នាំក្រោយនេះ។ ក្រុមនាវិកជិះលើរ៉ុក្កែត SpaceX របស់ Elon Musk ។

Maezawa បានទិញកៅអីទាំងអស់សម្រាប់ការធ្វើដំណើរតាមគន្លងចន្ទគតិ ដែលគេបានដាក់ឲ្យដំណើរការតាំងពីឆ្នាំ ២០១៨ ហើយនឹងបន្តដំណើររបស់គាត់ដោយប្រើពេល ១២ ថ្ងៃនៅលើយានអវកាស Soyuz ឈ្ពោះទៅកាន់ស្ថានីយអវកាសអន្តរជាតិ (ISS) ដូចដែលគេបានប្រើប្រាស់កាលពីឆ្នាំមុន។

ដំណើរនេះត្រូវបានគេបង្ហោះនៅលើ Twitter ដោយ Maezawa និងនៅលើគេហទំព័រអំពីអ្វីដែលគាត់បានឲ្យឈ្មោះថា គម្រោងដំណើរកម្សាន្តទៅកាន់ឋានព្រះចន្ទ។

មហាសេដ្ឋីម៉ូដែល និងក្រុមនាវិករបស់គាត់នឹងក្លាយជាអ្នកដំណើរដំបូងបង្អស់ដែលបានធ្វើដំណើរលើយានអវកាស SpaceX ទៅកាន់ឋានព្រះចន្ទ រួមទាំងក្រុមហ៊ុនពាណិជ្ជកម្ម Blue Origin របស់ Jeff Bezos នាំមកនូវយន្តការយុគសម័យថ្មីក្នុងការធ្វើដំណើរតាមយានអវកាសសម្រាប់អតិថិជនដែលមានទ្រព្យសម្បត្តិដ៏មហាសាល។

បេសកកម្មនៅលើយាន Starship របស់ក្រុមហ៊ុន SpaceX គ្រោងនឹងចំណាយពេលប្រាំបីថ្ងៃដោយគិតចាប់ពីការបាញ់បង្ហោះហើយនឹងការវិលត្រឡប់មកផែនដីយើងវិញ ហើយរួមបញ្ចូលរយៈពេលបីថ្ងៃថែមទៀតដែលជាថ្ងៃធ្វើដំណើរជុំវិញឋានព្រះចន្ទ ដែលនឹងខិតមកជិតឋានព្រះចន្ទនៅក្នុងរយះចម្ងាយ ២០០ គីឡូម៉ែត្រពីផ្ទៃព្រះចន្ទទាំងមូល។ ទោះបីជាត្រូវបានកំណត់ពេលវេលាក្នុងការហោះហើរ សម្រាប់ឆ្នាំ ២០២៣ ក៏ដោយ ក៏វាកំពុងមានការប្រឈមនឹងការពន្យារពេល ដោយសារតែការធ្វើតេស្តយានបន្តនៅលើអវកាស ព្រមទាំងការធ្វើតេស្តគ្រាប់រ៉ុក្កែតរបស់វាផងដែ។

Japanese billionaire Yusaku Maezawa, who returned to Earth last month after a 12-day journey into space, attends a news conference after returning to Japan at the Foreign Correspondents’ Club of Japan, in Tokyo, Japan January 7, 2022. REUTERS/Issei Kato

ដូចលោកមហាសេដ្ឋី Musk ដែរ លោក Maezawa ការផ្សព្វផ្សាយរបស់គាត់មានការផ្ទុះឡើងដ៏រំជើបរំជួលបំផុតក្នុងបណ្តាញTwitter របស់គាត់ដែលគាត់បានអួតខ្លួនឯងក្នុងការកាន់កំណត់ត្រាពិភពលោក Guinness សម្រាប់ការបង្ហោះសារឡើងវិញបានច្រើនជាងគេបំផុតលើពិភពលោក នៅខណៈពេលនោះគាត់បានផ្តល់រង្វាន់ជាសាច់ប្រាក់ចំនួន ១ លានយ៉េនស្មើនឹង (៧៣០០ ដុល្លារ) ដល់អ្នកឈ្នះ ១០០ នាក់ ក្នុងការបង្ហោះផ្សព្វផ្សាយវាឡើងវិញ។

Maezawa បានប្រើប្រាស់គេហទំព័រមីក្រូប្លុកដើម្បីជ្រើសរើសសមាជិកនាវិកប្រាំបីនាក់មកពីជុំវិញពិភពលោកឲ្យចូលរួមជាមួយគាត់ក្នុងការធ្វើដំណើរកម្សាន្តទៅកាន់ឋានព្រះចន្ទដោយនិយាយថាមនុស្ស ១ លាននាក់បានដាក់ពាក្យសម្រាប់ការជ្រើសរើសមួយនេះ។

លោក TOP ដែលជាឈ្មោះតួសំដែង Choi Seung Hyun រួមជាមួយក្រុម K-pop Big Bang ក៏ស្ថិតក្នុងចំណោមសមាជិកដែលត្រូវបានពិចារណាជ្រើសរើសជាសមាជិកនាវិក រួមជាមួយនឹង Aoki ដែលជាតន្ត្រីករជនជាតិអាម៉េរិកដើមកំណើតជប៉ុន និងជា DJ ដែលមានឪពុកបង្កើតជាម្ចាស់ភោជនីយដ្ឋាន Benihana ។

នៅក្នុងវីដេអូខ្លីបដែលបានបង្ហោះឡើងនោះលោក TOP បាននិយាយថាបន្ទាប់ពីការប្រកាសថាខ្ញុំត្រូវបានជ្រើសរើសនោះ “ខ្ញុំមានអារម្មណ៍ប្រកបដោយមោទនភាពដ៏អស្ចារ្យដែលបានក្លាយជាជនជាតិកូរ៉េដំបូងគេបានធ្វើដំណើរទៅកាន់ឋានព្រះចន្ទ” ។

តារាសម្ដែងឥណ្ឌា Dev Joshi ក៏ជាប់ក្នុងចំណោមក្រុមដែលត្រូវបានជ្រើសរើសផងដែរ ក្នុងនោះរួមមានសិល្បករ និងអ្នកថតរូបជាច្រើន។ អ្នកជិះស្គីលើទឹកកកអូឡាំពិកអាម៉េរិក Kaitlyn Farrington និងអ្នករាំជប៉ុន Miyu ត្រូវបានគេដាក់ឈ្មោះជាសមាជិករបស់ក្រុមនាវិកបម្រុង។

Maezawa ក្នុងវ័យ ៤៧ ឆ្នាំបានលើកទង់ថ្មីមួយសម្រាប់បេសកកម្មតាមគន្លងចន្ទគតិកាលពីថ្ងៃចន្ទកន្លងទៅនេះដោយបានបង្ហោះ tweeting ថាគាត់បានរៀបចំកិច្ចប្រជុំនិមិតជាមួយលោក Musk ហើយកំពុងរៀបចំ “ធ្វើការប្រកាសអំពីកម្មវិធីអវកាសដ៏ធំមួយនេះ ” ។

Maezawa បានធ្វើឲ្យទ្រព្យសម្បត្តិរបស់គាត់កើនឡើងដោយសាក្រុមហ៊ុនលក់រាយម៉ូដតាមប្រព័ន្ធអនឡាញ Zozo Inc (៣០៩២.T) ដែលជាអាជីវកម្មអ៊ីនធឺណិតរបស់ Softbank Group Corp (៩៩៨៤.T) ឥឡូវនេះគឺជាកំពូលម្ចាស់ភាគហ៊ុន ដែលក្នុងនោះកើនដល់ទៅ (១ ដុល្លារ = ១៣៦.៧៦០០ យ៉េន)

ប្រភព រ៉យទ័រ