ភ្នំពេញ៖កម្លាំងនគរបាលខណ្ឌកំបូល បានចាប់ឪពុកប៉ុនប៉ងរំលោភសេពសន្ថវៈកូនស្រីបង្កើត យកទៅសាកសួរ ហើយបញ្ជូនទៅតុលាការដើម្បីចាត់តាមច្បាប់។
សមត្ថកិច្ចបានឱ្យដឹងថា ក្រោយបញ្ចប់នីតិវិធី កម្លាំងជំនាញព្រហ្មទណ្ឌបានបញ្ជូនឪពុកប៉ុនប៉ងរំលោភសេពសន្ថវៈកូនស្រីបង្កើតទៅតុលាការរាជធានីភ្នំពេញនៅថ្ងៃទី៩ ខែធ្នូនេះដើម្បីអនុវត្តតាមច្បាប់។កាលពីថ្ងៃទី៦ ខែធ្នូ បុរសជាឪពុកអាយុ ៥៥ឆ្នាំ ជាកម្មករ បានទូរសព្ទហៅកូនស្រីអាយុ២៦ឆ្នាំ កំពុងធ្វើការនៅរោងចក្រប្រាប់ថាគាត់មិនស្រួលខ្លួន។
ក្រោយទទួលទូរសព្ទ កូនស្រីក៏បានចេញពីធ្វើការនាំឪពុកទៅបន្ទប់ជួលស្ថិតនៅភូមិកន្ទោកជើង សង្កាត់កន្ទោក ខណ្ឌកំបូល ។លុះពេលទៅដល់បន្ទប់ ឪពុកក៏បានធ្វើសកម្មភាពប៉ុនប៉ងរំលោភ សេពសន្ថវៈតែមិនបានសម្រេច ត្រូវប្រជាពលរដ្ឋរាយការណ៍ទៅលេខ១១៧ នគរបាលក៏ចុះឃាត់ខ្លួន ឪពុករូបនោះយកទៅសាកសួរ។ក្រោយបញ្ចប់ការសាកសួរ កម្លាំងជំនាញព្រហ្មទណ្ ឌបានកសាងដំណុំរឿងបញ្ជូនជនសង្ស័យបន្តតាមនីតិវិធី៕ដោយ៖វិចិត្រ
