រតនគិរី៖កម្លាំងនគរបាលខេត្តបានបង្រ្កាបករណីជួញដូរគ្រឿងញៀន ដោយចាប់ជនសង្ស័យប្រុសស្រីចំនួន២នាក់ និងរៀបចំសំណុំរឿងត្រៀមបញ្ជូនទៅតុលាការ។
សមត្ថកិច្ចខេត្តរតនគិរីបានឱ្យដឹងថា នគរបាលផ្នែកប្រឆាំងគ្រឿងញៀនខេត្តរតនគិរី កាលពីល្ងាចថ្ងៃទី៨ ខែធ្នូ បានចុះបង្រ្កាបករណីជួញដូរគ្រឿងញៀនដោយខុសច្បាប់នៅភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។ជនសង្ស័យប្រុសស្រី២នាក់ឈ្មោះ ហ៊ង សុធន អាយុ ៣៩ ឆ្នាំ នៅភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។ឈ្មោះគង់ ចន្ធូ ភេទស្រី អាយុ២៩ឆ្នាំ នៅភូមិរកាខ្នុរ ឃុំរកាខ្នុរ ខេត្តក្រចេះ។
ក្នុងនោះដកហូតវត្ថុតាងមាន៖ គ្រឿងញៀនមេតំហ្វេតាមីនចំនួន៥ថង់ធំទម្ងន់៥៨,៦៥ក្រាម,លុយចំនួន២៥០.០០០រៀល, អាវុធកែច្នៃ១ដើមគ្រាប់មួយចំនួន, ជញ្ជីងថ្លឹងគ្រឿងញៀន១,ទូរសព្ទ១គ្រឿងនិងថង់សម្រាប់ច្រក។ក្រោយពីឃាត់ខ្លួននិងសាកសួរ ជនសង្ស័យរួមទាំងវត្ថុតាងត្រូវបាននគរបាលខេត្តកសាងសុំណុំរឿងត្រៀមបញ្ជូនទៅតុលាការ៕ដោយ៖វិចិត្រ
