ស្វាយរៀង៖រថយន្តដឹកជ្រូកបានបើកយ៉ាងលឿន ដល់ផ្លូវកោងក៏ជ្រុលធ្លាក់ចូលប្រឡាយទឹកតែមិនមានគ្រោះថ្នាក់ដល់ជីវិតមនុស្សទេ។ហេតុការណ៍ខាងលើនេះបានកើតឡើងនៅត្រង់ផ្លូវកែងខាងមុខខ្លោងទ្វារវត្តពពែតចាស់ ស្ថិតនៅភូមិថ្នល់កែង ឃុំពពែត ស្រុកស្វាយទាប ខេត្តស្វាយរៀង កាលពីរំលងអាធ្រាត្រចូលថ្ងៃទី៨ ធ្នូឆ្នាំ២០២២។
មន្ត្រីមូលដ្ឋានបានឱ្យដឹងថា មុនកើតហេតុមានរថយន្តមួយគ្រឿងប្រភេទ១បាំងកន្លះដឹកសត្វជ្រូករស់ពីដេប៉ូឃុំតាសួស ស្រុកស្វាយជ្រំទៅដាក់នៅដេប៉ូស្រុករមាសហែក។ពេលត្រឡប់មកវិញបើកលើថ្នល់ជាតិលេខ១ សង្ស័យតៃកុងងោកបើកក្នុងល្បឿនលឿនផងនោះ មកដល់ផ្លូវកោងយកចង្កូតមិនទាន់បណ្តាលឱ្យធ្លាក់ចូលក្នុងប្រឡាយទឹកតែម្តង។
ក្រោយកើតហេតុកណ្តាលអធ្រាត្រអ្នកបើកបរនិងអ្នករួមដំណើរបានបើកទ្វារររថយន្តចេញទាំងការតក់ស្លុតបំផុត។លុះព្រឹកឡើងទើបសមត្ថកិច្ចចុះមកពិនិត្យ៕ដោយ៖វិចិត្រ
