ភ្នំពេញ៖កម្លាំងអាជ្ញាធរខណ្ឌចំការមន បានចុះបង្ក្រាបទីតាំងលេងល្បែងបែបកាស៊ីណូដ៏ធំមួយ ជិតស្ពានអាកាសក្បាលថ្នល់ និងឃាត់ខ្លួនជនជាតិចិន១២នាក់ជាមួយសម្ភារពាក់ព័ន្ធបទល្មើសជាច្រើន។
![](https://cambodiaflashnews.com/wp-content/uploads/2021/06/top-banner.gif)
មន្ត្រីក្នុងប្រតិបត្តិការបានឱ្យដឹងថា ដោយមានបញ្ជាពីលោក ឃួង ស្រេង អភិបាលរាជធានីភ្នំពេញ កាលពីរសៀលថ្ងៃទី៧ ខែធ្នូ កម្លាំងអាជ្ញាធរខណ្ឌចំការមន បានចុះបង្រ្កាបនិងបិទទីតាំងដែលលួចបង្កប់ល្បែងស៊ីសងស្ថិតនៅផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន។
មន្ត្រីដដែលបានបន្តថា ជាលទ្ធផលសមត្ថកិច្ចបានឃាត់ខ្លួនជនជាតិចិនចំនួន១២នាក់ ប្រុស៦នាក់ ស្រី៦នាក់និងវត្ថុតាងមួយចំនួនដូចជា-ទូហ្គេមបាញ់ត្រី៤គ្រឿង-ទូហ្កេមតុក្កតា១២គ្រឿង-តុ លេងបៀបាការ៉ាត់២-ទូរសព្ទ១១គ្រឿង-កុំព្យូទ័រលើតុ១គ្រឿង-ម៉ាស៊ីនគិតលេខ១គ្រឿង-ម៉ាស៊ីនរាប់លុយ១គ្រឿងនិងបៀមួយចំនួនធំ។
សមត្ថកិច្ចបានបិទទីតាំងនោះជាបណ្តោះអាសន្ន ហើយបានកសាងសំណុំរឿងនិងបញ្ជូនបន្តតាមនីតិវិធី៕ដោយ៖វិចិត្រ