ភ្នំពេញ៖កម្លាំងនគរបាលបានបញ្ជូនបុរសវៀតណាម២នាក់ដែលធ្វើទារុណកម្មដោយប្រើដំបងឆក់លើស្ត្រីវៀតណាមដូចគ្នាយ៉ាងព្រៃផ្សៃទៅតុលាការ ហើយត្រូវឃុំខ្លួននៅព្រឹកថ្ងៃទី៨ ខែធ្នូនេះ។
![](https://cambodiaflashnews.com/wp-content/uploads/2021/06/top-banner.gif)
លោកសាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានឱ្យអ្នកសារព័ត៌មានដឹងកន្លងមកថា ពាក់ព័ន្ធករណីធ្វើទារុណកម្មដោយប្រើដំបងឆក់នេះ សមត្ថកិច្ចបានស្រាវជ្រាវចាប់ជនដៃដល់បានហើយ។ជនសង្ស័យបាននាំជនរងគ្រោះ២នាក់ពីខេត្តព្រះសីហនុមកធ្វើការនៅភ្នំពេញ។លុះមកដល់ម្តុំទំនប់កប់ស្រូវ ជនរងគ្រោះទាំង២នាក់បានព្យាយាមរត់គេចខ្លួនពីថៅកែខាងលើ។តែត្រូវបានសមត្ថកិច្ចបានឃាត់ខ្លួនអ្នករត់នោះយកទៅសាកសួរ។
ក្រោយសាកសួរ ទើបបែករឿងអំពើហិង្សានោះឡើង ត្រូវសមត្ថកិច្ចតាមចាប់ជនដៃដល់២នាក់។បន្ទាប់ពីឃាត់ខ្លួនវៀតណាមទាំង២នាក់ពាក់ព័ន្ធបទប្រើដំបងឆក់និងបទរក្សាទុកប្រើគ្រឿងញៀនផ្នែកជំនាញបានបញ្ជូនទៅតុលាការដើម្បីអនុវត្តតាមច្បាប់។
ចំណែក២នាក់ជាជនរងគ្រោះបានប្រគល់ទៅខាងអន្តោប្រវេសន៍បន្តនីតិវិធីដោយពួកគេគ្មានឯកសារអ្វីទាំងអស់ រង់ចាំសុំគោលការណ៍គ្រោងនឹងបណ្តេញចេញពីកម្ពុជា៕ដោយ៖វិចិត្រ