ភ្នំពេញ៖ក្រុមហ៊ុនធានារ៉ាប់រងអាយុជីវិតនិងធានារ៉ាប់រងទូទៅ អេទីកា និងអង្គការ វតធឺអេតកម្ពុជា បានធ្វើការសហការសម្ពោធកម្មវិធីមួយដើម្បីនាំយកនូវការផ្គត់ផ្គង់ទឹកស្អាតជូនប្រជាពលរដ្ឋ២០០ គ្រួសារនៅក្នុងភូមិមួយក្នុងខេត្តកណ្ដាល ដែលស្ថិតនៅក្រៅទីក្រុងភ្នំពេញ។ដោយទទួលបានការឧបត្ថម្ភពីក្រុមហ៊ុន អេទីកា និង ចូលរួមសហការអនុវត្តដោយអង្គការ វ័តធឺអេត ដែលជាអង្គការក្រៅរដ្ឋាភិបាល ឈានមុខមួយនៅកម្ពុជា កម្មវិធីផ្គត់ផ្គង់ទឹកស្អាតនេះជាផ្នែកមួយនៃការទទួលខុសត្រូវ សាជីវកម្មរបស់ក្រុមហ៊ុន អេទីកា ដើម្បីជួយប្រជាពលរដ្ឋដើម្បីឆ្ពោះទៅរកការរស់នៅប្រកបដោយសុខភាពល្អ។
ការដាក់ដំណើរការនេះត្រូវបានផ្ដល់កិត្តិយសផ្តួចផ្តើមដោយលោក Dato’ Johan Ariffin អគ្គនាយកនៃក្រុមហ៊ុនធានារ៉ាប់រងអាយុជីវិត អេទីកាកម្ពុជា លោក Datuk.R Karunakaran អគ្គនាយកក្រុមហ៊ុន អេទីកាអន្តរជាតិ (Etiqa International Holding Sdn. Bhd.) លោក ហ៊ង វុទ្ធី អគ្គនាយកក្រុមហ៊ុន ធានារ៉ាប់រងអាយុជីវិត អេទីកា ប្រចាំនៅកម្ពុជា និង លោក ឆាត់ សុភាព នាយកប្រចាំប្រទេសអង្គការវតធឺអេត ប្រចាំនៅកម្ពុជា។
ការទទួលបានទឹកប្រើប្រាស់និងអនាម័យពិតជាមានសារៈសំខាន់ក្នុងការកាត់បន្ថយភាពក្រីក្រព្រមទាំងជាសសរស្ដម្ភសំខាន់មួយនៃគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ផងដែរ។ នៅក្នុងប្រទេសកម្ពុជា មនុស្សម្នាក់ក្នុងចំណោមមនុស្ស៤នាក់ពុំមានទឹកស្អាតប្រើប្រាស់។ ទោះបីជាកម្ពុជាត្រូវបានគេស្គាល់ថាជាប្រទេសដែលមានសេដ្ឋកិច្ចរីកចម្រើនលឿនជាងគេមួយនៅក្នុងបណ្តាប្រទេសនៃតំបន់អាស៊ី លទ្ធភាពទទួលបានហិរញ្ញប្បទានសមរម្យមួយ សម្រាប់ទឹកស្អាតនៅតែជាឧបសគ្គ។ ចំពោះប្រជាជនដែលរស់នៅក្នុងខេត្តកណ្ដាល ការទទួលបាន ទឹកស្អាតប្រើប្រាស់គឺជាបញ្ហាប្រឈមដ៏ចម្បងមួយ ជាពិសេសសម្រាប់ប្រជាពលរដ្ឋដែលរស់នៅតាម ដងទន្លេ សហគមន៍បណ្ដែតទឹក និងទីជនបទនានា។ ខេត្តកណ្តាលជាខេត្តមួយដែលនៅជាប់ទន្លេធំៗ ពីរគឺ ទន្លេបាសាក់ និង ទន្លេមេគង្គ។ ដោយសារតែការអប់រំ និងហិរញ្ញវត្ថុនៅមានកម្រិត ការប្រើប្រាស់ ទឹកដោយផ្ទាល់ពីទន្លេគឺជាជម្រើសតែមួយគត់សម្រាប់ប្រជាពលរដ្ឋដែលរស់នៅទីនោះ។ ជាមួយគ្ន នេះដែរ បញ្ហាប្រឈមនៃទឹកជំនន់នៅក្នុងខេត្តបានធ្វើឱ្យការផ្គត់ផ្គង់ទឹកស្អាតកាន់តែស្មុគស្មាញផងដែរ។
គម្រោងទឹកស្អាត ដែលទទួលបានការចូលរួមសហការពីអង្គការ វតធឺអេត នេះនឹងជួយពង្រឹងការផ្គត់ ផ្គង់ទឹកស្អាតដល់ក្រុមដែលងាយរងគ្រោះនៅក្នុងតំបន់។ គម្រោងនេះត្រូវបានរៀបចំឡើងដើម្បីរក្សា នូវនិរន្តរភាពរយៈពេលយូរ ជាមួយគ្នានេះដែរ នៅពេលដែលគម្រោងនឹងត្រូវបញ្ចប់នៅក្នុងខែធ្នូ ឆ្នាំ ២០២៣ អ្នកទទួលផលទាំងអស់នឹងទទួលបានការតភ្ជាប់បណ្តាញទឹកស្អាត និងប្រើប្រាស់ទឹកស្អាត ប្រកបដោយស្មារតីទទួលខុសត្រូវ។
លោក Dato Johan បានលើកឡើងថា៖ “ នៅក្នុងក្រុមហ៊ុន អេទីកា ពួកយើងជឿជាក់ទៅទស្សនៈនៃ សេវាកម្មធានារ៉ាប់រងតាមបែបមនុស្សនិយម។ យើងនៅទៅនេះដើម្បីជួយប្រជាជន និង ធ្វើតាមការ សន្យារបស់យើង។ ទាំងនេះត្រូវបានឆ្លុះបញ្ចាំងឱ្យឃើញតាមរយៈការធ្វើអាជីវកម្ម ដែលជះឥទ្ធិពល វិជ្ជមានទៅដល់សហគមន៍។“យើងពិតជាមានមោទនភាពក្នុងការចាប់ដៃគូរសហការជាមួយអង្គការ វតធឺអេត កម្ពុជា ក្នុងការផ្តួច ផ្តើមនូវគម្រោងទឹកស្អាតនេះឡើងដើម្បីបង្កើតការផ្លាស់ប្តូរទៅដល់សហគមន៍ក្នុងប្រទេសកម្ពុជា។ ភាពជាដៃគូររយៈពេល ១ ឆ្នាំ ក្នុងការផ្គត់ផ្គងទឹកស្អាតដល់ប្រជាជនក្នុងខេត្តកណ្តាលនេះ គឺបង្ហាញពី ការប្ដេជ្ញាចិត្តរបស់ក្រុមហ៊ុនធានារ៉ាប់រងអាយុជីវិត អេទីកា ឆ្ពោះទៅរកបុព្វហេតុមួយដែលយើងអាចធ្វើឱ្យមានផលជះយ៉ាងវិជ្ជមានទៅដល់សហគមន៍។ការប្តេជ្ញាមួយនេះគឺស្របទៅតាមគោលបំណង“ធ្វើ ឱ្យពិភពលោក្លាយជាកន្លែងដ៏ល្អប្រសើរ”របស់ក្រុមហ៊ុនយើង ដែលស្តែងឱ្យឃើញតាមរយៈពង្រឹង ជីវភាពប្រជាជន និង ការលើកស្ទួយសង្គម សេដ្ឋកិច្ចរបស់សហគមន៍ក្រីក្រនៅទូទាំងប្រទេស។”
លោក ឆាត់ សុភាព នាយកប្រចាំប្រទេសរបស់អង្គការ វ័តធឺអេត ប្រចាំនៅកម្ពុចា បានមានប្រសាសន៍ ថា៖ “ទឹក និង អនាម័យ គឺជារឿងសាមញ្ញ ប៉ុន្តែវាពិតជាសំខាន់ណាស់ក្នុងការជួយសង្គ្រោះជីវិត ពីព្រោះកង្វះអនាម័យអាចសម្លាប់ប្រជាជន និងអាចជាអន្ទាក់នៃភាពក្រីក្រផងដែរ។ប្រសិនបើមិន មានលទ្ធភាពទទួលបានអនាម័យ និងទឹកស្អាត ប្រជាជនអាចប្រឈមនឹងហានិភ័យសុខភាព ជា ពិសេសកុមារ និងជនដែលមានពិការភាព។ វាក៏ធ្វើឱ្យផលិតភាពសេដ្ឋកិច្ចរបស់ពួកគេធ្លាក់ចុះផងដែរ។”
ពិភពលោកបានសន្យាថាមនុស្សគ្រប់រូបនឹងទទួលបានទឹកស្អាតដែលប្រកបដោយសុវត្ថិភាពនៅត្រឹម ឆ្នាំ ២០២៣ ហើយកម្ពុជាក៏បានប្ដេជ្ញាចិត្តសម្រេចនូវគោលដៅនេះផងដែរ។ បើទោះបីជាកម្ពុជាមាន ការរីកចម្រើនខ្លាំងលើវិស័យទឹកស្អាត និង អនាម័យក៏ដោយ ក៏យើងមិនអាចខ្ជះខ្ជាយពេលវេលានោះដែរ។យើងត្រូវរួមគ្នាពន្លឿននិងដោះស្រាយបញ្ហាជាយុទ្ធសាស្ត្រដើម្បីធានាថាគ្រប់គ្នាមានសិទ្ធិទទួលបានទឹកស្អាត និង អនាម័យ និងមិនទុកនរណាម្នាក់ចោល។”
លោកបានបន្ថែម“ ពួកយើងត្រូវការឱ្យរាជរដ្ឋាភិបាល ម្ចាស់ជំនួយ និង វិស័យឯកជនទាំងអស់ធ្វើការរួមគ្នា និង បង្កើន ការវិនិយោគរបស់ខ្លួនដើម្បីដោះស្រាយបញ្ហានេះ។វាមិនមានការខាតបង់នោះទេចំពោះការវិនិយោគទៅលើវិស័យទឹកស្អាតនិងអនាម័យព្រោះវាជួយប្រយុទ្ធប្រឆាំងនឹងជំងឺក៏ដូចជាបង្កើនសុខុមាលភាពនិងផលិតភាពរបស់ប្រជាជនរួមទាំងជួយអភិវឌ្ឍន៍សេដ្ឋកិច្ចប្រទេសផងដែរ៕ដោយៈផាវី
