ក្រោយអ៊ុយក្រែនបានដាក់លក្ខខណ្ឌឲ្យរុស្ស៊ីដកទ័ពចេញពីទឹកដីសម្រាប់ដំណោះស្រាយចរចា រុស្ស៊ីបានអះអាងយ៉ាងដាច់ណាត់ថា ខ្លួននឹងមិនដកឡើយ ពោលនឹងបន្តប្រតិបត្តិការយោធាពិសេសឲ្យចប់សព្វគ្រប់ជាមុនសិន។
![](https://cambodiaflashnews.com/wp-content/uploads/2021/06/top-banner.gif)
នេះដោយយោងតាមការចុះផ្សាយដោយសារព័ត៌មានអាល់ចាហ្សេរ៉ា ដែលបានពាំនាំដំណឹងចុងក្រោយពីខាងវិមានក្រឹមឡាំងកាលពីថ្ងៃទី ៦ ខែធ្នូ ឆ្នាំ២០២២។ វិមានក្រឹមឡាំងនិយាយថា ខ្លួនយល់ស្របនឹងការលើកឡើងរបស់សហរដ្ឋអាម៉េរិកអំពីតម្រូវការសម្រាប់សន្តិភាពយូរអង្វែងនៅអ៊ុយក្រែន យល់ស្របដូចគ្នានឹងការលើកឡើងរបស់រដ្ឋមន្ត្រីការបរទេសអាម៉េរិកលោក Antony Blinken ដែលបាននិយាយនៅក្នុងបទសម្ភាសន៍មួយកាលពីថ្ងៃចន្ទថា “ជម្លោះអ៊ុយក្រែននឹងបញ្ចប់លុះត្រាតែមានទំនាក់ទំនងការទូត និងការចរចា មានការទទួលយក ឬលះបង់ពីភាគីម្ខាង”។
ក៏ប៉ុន្តែ រុស្ស៊ីនឹងមិនធ្វើតាមការលើកឡើងរបស់អ៊ុយក្រែនដែលឲ្យខ្លួនដកទ័ពចេញនោះទេ។ “ពិតណាស់ លទ្ធផលគួរតែជាសន្តិភាពដ៏យុត្តិធម៌ និងយូរអង្វែង ដោយភាគីម្ខាងអាចយល់ស្របនឹងរឿងនេះ។ ប៉ុន្តែចំពោះទស្សនវិស័យ យើងមិនឃើញមានអ្វីដូចការលើកឡើងនោះទេ”។ “ដូច្នេះដើម្បីឱ្យកិច្ចពិភាក្សាកើតឡើងជាមួយដៃគូទៅដោយរលូន និងមានប្រសិទ្ធភាពទាំងសងខាង រុស្ស៊ីត្រូវតែបំពេញគោលដៅនៃ “ប្រតិបត្តិការយោធាពិសេស” របស់ខ្លួនជាមុនសិន៕
ប្រភព៖ REUTERS
ប្រភពរូប៖REUTERS
ប្រែសម្រួល៖សុខ តុលា