ប្រែសម្រួល៖តុលា
![](https://cambodiaflashnews.com/wp-content/uploads/2021/06/top-banner.gif)
ប្រធានាធិបតីរុស្ស៊ីលោកវ្ល៉ា ឌឹមៀរពូទីន បានជិះរថយន្តម៉ាក Mercedes ដោយខ្លួនឯងទៅទស្សនាត្រួតពិនិត្យស្ពានតភ្ជាប់តំបន់គ្រីមៀរ ដែលរងការវាយប្រហារនាពេលកន្លងទៅ។
យោងតាមការចុះផ្សាយដោយសារព័ត៌មានរ៉យទ័រ បានបង្ហាញឲ្យឃើញពីលោកពូទីនអមដោយឧបនាយករដ្ឋមន្ត្រី Marat Khusnullin ត្រូវបានបង្ហាញនៅលើកញ្ចក់ទូរទស្សន៍រដ្ឋ ខណៈកំពុងជិះក្នុងរថយន្តម៉ាក Mercedes ទៅកាន់ស្ពានតភ្ជាប់តំបន់គ្រីមៀរ ដែលធ្លាប់បានរងការវាយប្រហារដោយគ្រាប់បែកកាលពីថ្ងៃទី ៨ ខែតុលា ដែលបានចោទអ៊ុយក្រែននៅពីក្រោយរឿងនេះ។
លោក ពូទីន បាននិយាយថា៖ “យើងកំពុងបើកបរនៅខាងស្ដាំដៃ” “ផ្នែកខាងឆ្វេងនៃស្ពាន ដូចដែលខ្ញុំយល់ហើយ វាស្ថិតក្នុងស្ថានភាពដំណើរការ ប៉ុន្តែទោះជាយ៉ាងណា វាត្រូវតែបញ្ចប់។ វានៅតែរងការប៉ះពាល់តិចតួច យើងត្រូវនាំវាទៅស្ថានភាពដ៏ល្អមួយ”។
គួរជម្រាបថា ស្ពាននេះមានផ្លូវ និងផ្លូវដែកប្រវែង (១៩គីឡូម៉ែត្រ) នៅតែកំពុងស្ថិតក្រោមដំណើរការជួសជុលនៅឡើយ មិនទាន់រួចរាល់ទេ។ ស្ពាននេះ បានបើកសម្ពោធដំបូងនៅឆ្នាំ២០១៨៕ប្រភព៖ REUTERS