ពោធិ៍សាត់៖កម្លាំងនគរបាលស្រុកបាកាន ក្រោយទទួលព័ត៌មានថាមានម៉ូតូ៣ទៅ៤គ្រឿងជិះដេញកាប់ម៉ូតូជនរងគ្រោះនោះមក ក៏ស្ទាក់ចាប់បានក្រុមជនសង្ស័យ៣នាក់។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលស្រុកបានឱ្យដឹងថា មុនកើតហេតុ មានក្មេងប្រុស២នាក់ជិះម៉ូតូម៉ាកហុងដាសេ125 ពណ៌ខ្មៅ ចេញពីក្រុងពោធិ៍សាត់ តាមផ្លូវជាតិលេខ៥ ឆ្លងកាត់ទឹកដីស្រុកបាកាន កាលពីម៉ោងជាង១ រំលងអធ្រាតឈានចូលថ្ងៃទី៦ ខែធ្នូ ។ពេលនោះត្រូវបានជនសង្ស័យមួយក្រុមមានម៉ូតូ៣ទៅ៤គ្រឿង ជិះដេញកាប់ម៉ូតូរងគ្រោះពីស្ពានស្វាយអាត់ដល់ភូមិអណ្ដូងក្រសាំង ឃុំស្នាមព្រះ តែជនរងគ្រោះបានបើករត់គេចរួចខ្លួនរួចពីគ្រោះថ្នាក់។
ក្រោយមកសមត្ថកិច្ចទទួលបានព័ត៌មានក៏ចេញអន្តរាគមន៍ ដោយស្ទាក់ចាប់ជនសង្ស័យបានចំនួន៣នាក់។ក្នុងនោះនគរបាលស្រុកបាកានក៏បានសុំឱ្យជនរងគ្រោះចូលរួមសហការបង្ហាញពីសកម្មភាពដើម្បីកសាងសំណុំរឿងបញ្ជូនបន្តតាមនីតិវិធី៕ដោយ៖វិចិត្រ