អ៊ុយក្រែនរាយការណ៍ថា នៅក្នុងការវាយប្រហារថ្ងៃអាទិត្យមកលើទីក្រុងឃើសនភាគខាងត្បូង រុស្ស៊ីបានវាយប្រហារកន្លែងដាក់អ្នកទោសបង្កឲ្យខូចខាតអគារ និងរបួសបុគ្គលិកអ៊ុយក្រែន។
![](https://cambodiaflashnews.com/wp-content/uploads/2021/06/top-banner.gif)
យោងតាមកាសែតជាតិអ៊ុយក្រែនប្រាវដា បានឲ្យដឹងពីសេចក្តីរាយការណ៍របស់នាយកដ្ឋានរដ្ឋសម្រាប់ការអនុវត្តទោសព្រហ្មទណ្ឌអ៊ុយក្រែន កាលពីថ្ងៃទី ៥ ខែធ្នូ ឆ្នាំ២០២២។ សម្រង់សំដីបាននិយាយថា “ថ្ងៃនេះ ក្នុងអំឡុងពេលនៃការបាញ់ផ្លោងទីក្រុង Kherson មានការវាយប្រហារលើអគារនៃមជ្ឈមណ្ឌលឃុំខ្លួនបណ្តោះអាសន្ន Kherson ។ អគារមួយចំនួនរងការខូចខាត និងបុគ្គលិករងរបួស។ ទណ្ឌិតត្រូវបានផ្លាស់ប្តូរទៅមណ្ឌលផ្សេងទៀតក្នុងតំបន់ដែលមានសុវត្ថិភាពជាងនេះ”។
ព័ត៌មានលំអិត ក្រសួងការបរទេសសម្រាប់ការអនុវត្តទោសព្រហ្មទណ្ឌបានរាយការណ៍ថា មនុស្សគ្រប់រូបដែលស្ថិតនៅក្នុងមន្ទីរឃុំឃាំងនោះ គឺជាអ្នកដែលត្រូវបានឃុំទុក បណ្តោះអាសន្នត្រៀមកាត់ទោស បន្ទាប់ពីចាប់បានក្នុងអំឡុងការរំដោះទឹកដីពីកងទ័ព រុស្ស៊ី។
នៅក្នុងការវាយប្រហារថ្ងៃទី៥ធ្នូ រុស្ស៊ីបានប្រើកាំភ្លើងធំបាញ់ប្រហារចំនួន ៥ដងមកលើទីក្រុងឃើសន ជាទីក្រុងដែលពួកគេទើបដកទ័ពចេញ។ របាយការណ៍ចេញដោយអ៊ុយក្រែន ២សប្តាហ៍ចុងក្រោយនេះ ចំនួនអ្នកស្លាប់នៅឃើសនមានចំនួន១៩នាក់ និងរបួស៣៩នាក់។ ដោយឡែករុស្ស៊ីមិនបានឆ្លើយតបឡើយ៕
ប្រភព៖ PRAVDA
ប្រភពរូប៖PRAVDA
ប្រែសម្រួល៖សុខ តុលា
ឪ