បាត់ដំបង៖បុរសម្នាក់គ្រាន់តែម្តាយមិនស្តីរក បានសម្រេចចិត្តធ្វើអត្តឃាតដោយចងកសម្លាប់ខ្លួននឹងមែកឈើជិតផ្ទះមិនមានអ្នកដឹងនិងជួយសង្គ្រោះបានឡើយ។ហេតុការណ៍នោះបានកើតឡើងនៅភូមិភ្នំ៧ ឃុំបួរ ស្រុកភ្នំព្រឹក ខេត្តបាត់ដំបង កាលពីរំលងអធ្រាត្រឈានចូលថ្ងៃទី៥ ខែធ្នូ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីមូលដ្ឋានបានឱ្យដឹងថា បុរសម្នាក់បានសម្រេចចិត្តបញ្ចប់ជីវិតដោយចងកសម្លាប់ខ្លួននោះគឺមូលហេតុគ្រាន់តែម្ដាយខឹងមិនស្តីរកតែប៉ុណ្ណោះ។ ជនធ្វើអត្តឃាតឈ្មោះ ញ៉ាយ សុធារ៉ា អាយុ២១ឆ្នាំ នៅភូមិភ្នំ៧ ឃុំបួរ ស្រុកភ្នំព្រឹក ខេត្តបាត់ដំបង។
ក្រោយពីពលរដ្ឋរាយការណ៍ភា្លម កម្លាំងនគរបាលស្រុកភ្នំព្រឹកជាមួយគ្រូពេទ្យបានចុះត្រួតពិនិត្យនិងវិភាគទីកន្លែងកើតហេតុ។ក្រុមការងារជំនាញបានបញ្ជាក់ថា អត្តឃាតជនឈ្មោះ ញ៉ាយ សុធារ៉ា ពិតជាចងកសម្លាប់ខ្លួនមែន ព្រោះមិនមានស្លាកស្នាមអ្វីពាក់ព័ន្ធបទល្មើសផ្សេងទេ។ក្រោយមកសាកសពបានប្រគល់ឱ្យក្រុមគ្រួសារយកទៅធ្វើបុណ្យ៕ដោយ៖វិចិត្រ