ភ្នំពេញ៖ស្ត្រីម្នាក់ចេញពីធ្វើការបានជិះម៉ូតូជាមួយអ្នកស្គាល់គ្នាត្រឡប់ទៅផ្ទះវិញ ត្រូវម្ចាស់ម៉ូតូធ្វើសកម្មភាពឆក់យកកាបូបជិះគេចខ្លួនបាត់។ករណីនេះបានកើតឡើងនៅត្រង់ក្រោមស្ពានអាកាស៧មករា សង្កាត់ទឹកថ្លា ខណ្ឌសែនសុខ កាលពីរំលងអធ្រាត្រឈានចូលថ្ងៃទី៥ ខែធ្នូ។
![](https://cambodiaflashnews.com/wp-content/uploads/2021/06/top-banner.gif)
ស្ត្រីរងគ្រោះបានឱ្យដឹងថា មុនកើតហេតុ នាងបានចេញពីធ្វើការក្នុងហាងផឹកស៊ីមួយនៅម្តុំសួនសុបិនចម្ការព្រីងដោយនាងមានសភាពស្រវឹងស្រឿងៗក៏ជិះម៉ូតូម៉ាក MSX ជាមួយអ្នកស្គាល់គ្នាត្រឡប់ទៅផ្ទះវិញនៅម្តុំវត្តសំរោងអណ្ដែត។
ដល់ពាក់កណ្ដាលផ្លូវ នាងក៏ឱ្យម៉ូតូឈប់ដើម្បីចូលបន្ទប់ទឹក ស្រាប់តែម្ចាស់ម៉ូតូឆក់កាបូបស្ពាយជិះគេចខ្លួនបាត់តែម្តង។នៅក្នុងកាបូបនោះមានប្រាក់២០០ដុល្លារ ទូរសព្ទមួយគ្រឿង-ចិញ្ចៀនមួយវង់-ខ្សែកមួយខ្សែ-ខ្សែដៃមួយខ្សែ-សរុបជាទឹកប្រាក់ជាង១.០០០ដុល្លារ ។
ក្រោយពេលកើតហេតុ ស្រ្តីរងគ្រោះបានទៅប្តឹងនគរបាលប៉ុស្តិ៍រដ្ឋបាលដើម្បីសុំឱ្យជួយអន្តរាគមន៍ស្រាវជ្រាវចាប់ជនសង្ស័យយកមកផ្តន្ទាទោសតាមច្បាប់៕ដោយ៖វិចិត្រ