ឆ្លើយតបនឹងកាលៈទេសៈដ៏លំបាកនេះ សហរដ្ឋអាម៉េរិក បានប្រកាសផ្តល់ជំនួយថ្មី៥៣លានដុល្លារដល់អ៊ុយក្រែន ដើម្បីយកទិញឧបករណ៍ថាមពលដល់អ៊ុយក្រែន។
បើទោះបីជាជំនួយមិនទាន់បានឆ្លើយតបតាមការចង់បានរបស់អ៊ុយក្រែនពេញលេញ ក៏ដោយ ក៏ប៉ុន្តែរដ្ឋាភិបាលអាម៉េរិកបានប្រកាសរួចហើយកាលពីថ្ងៃអង្គារសប្តាហ៍នេះ ជាមួយនឹងតម្លៃប្រហែល៥៣លានដុល្លារ។ ជំនួយថ្មីនេះគឺសម្រាប់ទិញតែគ្រឿងបរិក្ខារថាមពលកម្តៅ អគ្គិសនីតែប៉ុណ្ណោះ មិនមានបូកបញ្ចូលទិញគ្រឿងការពារដែនអាកាសតាមការស្នើសុំរបស់អ៊ុយក្រែនភ្លាមៗនោះទេ។ សេចក្តីថ្លែងការណ៍របស់ក្រសួងការបរទេសបាននិយាយថា “ឧបករណ៍នេះនឹងត្រូវបានបញ្ជូនទៅឱ្យអ៊ុយក្រែនយ៉ាងឆាប់រហ័សក្នុងគ្រាអាសន្ន ដើម្បីជួយប្រជាជនអ៊ុយក្រែនតស៊ូនៅក្នុងរដូវរងា” “កញ្ចប់នេះនឹងរួមបញ្ចូលឧបករណ៍បំប្លែងចែកចាយ ឧបករណ៍បំបែកសៀគ្វី ឧបករណ៍ចាប់រលកសញ្ញា និងឧបករណ៍អគ្គិសនីផ្សេងទៀត”។
ចំពោះការស្នើសុំរបស់ទីក្រុងកៀវលើគ្រឿងការពារអាកាស គឺមិនទាន់ត្រូវបានបញ្ជាក់ជាថ្មីដោយអាម៉េរិកនៅឡើយទេ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
