កណ្ដាល៖ក្មេងប្រុសស្រីចំនួន៤នាក់ បាននាំគ្នាចុះរាវលៀសក្នុងទឹករណ្តៅដីមួយកន្លែងបណ្តាលឱ្យលង់ស្លាប់ទាំងអស់ គួរឱ្យអាណោចអាធ័មជាទីបំផុត។ហេតុការណ៍បង្កឱ្យមានការសោកសង្រេងនេះបានកើតឡើងនៅម្តុំវាលស្រែ ភូមិព្រៃសំរោង ស្រុកអង្គស្នួល ខេត្តកណ្ដាល កាលពីល្ងាចថ្ងៃទី២៩ ខែវិច្ឆិកា។
![](https://cambodiaflashnews.com/wp-content/uploads/2021/06/top-banner.gif)
ពលរដ្ឋបានឱ្យដឹងថា មុនកើតហេតុ ក្រុមក្មេងៗប្រុសស្រីចំនួន៤នាក់បាននាំគ្នាចុះរាវលៀសនិងងូតទឹកលេងក្នុងទឹករណ្ដៅដីមួយកន្លែងជម្រៅប្រមាណ៤ទៅ៥ម៉ែត្រ។តែពួកគេបានលង់ទឹកស្លាប់ទាំងអស់គ្នាគួរឱ្យអាសូរជាពន់ពេក។
ក្មេងៗដែលស្លាប់-មានឈ្មោះ នី ស្រីណាក់ ភេទស្រី អាយុ១៣ឆ្នាំ ឈ្មោះនី ស្រីណា អាយុ១៣ឆ្នាំ ពីរនាក់នេះជាបងប្អូនភ្លោះ-ឈ្មោះថាន គីមយ៉ាង ភេទប្រុស អាយុ១១ឆ្នាំ និងឈ្មោះថាន ថានុក ភេទប្រុស អាយុ៩ឆ្នាំ ពីរនាក់នេះជាបងប្អូនបង្កើត នៅភូមិថ្នល់ទទឹង ឃុំដំណាក់អម្ពិល ស្រុកអង្គស្នួល ខេត្តកណ្ដាល ។
ក្រោយកើតហេតុ កម្លាំងអាជ្ញាធរ នគរបាល អាវុធហត្ថ ទ័ពពិសេសឆត្រយោង៩១១ ប្រើឧបករណ៍មុជទឹកបានចុះទៅអន្តរាគមន៍រាវរករហូតដល់ម៉ោងជាង១១យប់ថ្ងៃដដែលទើបរកឃើញសព៕ដោយ៖វិចិត្រ