ប្រធានាធិបតីអ៊ុយក្រែន លោក Volodymyr Zelenskyy បានរាយការណ៍ជាថ្មីពីគ្រាប់ផ្លោងរុស្ស៊ីរាប់រយគ្រាប់បាញ់នៅសមរភូមិភាគខាងកើតកាលពីចុងសប្តាហ៍រំលងទៅនេះ។
នៅក្នុងសុន្ទរកថាថ្ងៃអាទិត្យ ទី២០ ខែវិច្ឆិកា ឆ្នាំ២០២២ លោកហ្សេឡិនស្គីបានបង្ហាញនូវរបាយការណ៍ចុងក្រោយថា កងកម្លាំងរុស្ស៊ីបានបន្តបង្វែរយុទ្ធសាស្រ្តថ្មីសម្រុកបាញ់ផ្លោងយ៉ាងខ្លាំងនៅខេត្តដូណេតភាគខាងកើត។ លោកថា ត្បិតរុស្ស៊ីបានដកទ័ពចេញពីឃើសនហើយក៏ដោយ ក៏ប៉ុន្តែរុស្ស៊ីបានយកទ័ពទាំងនោះទៅពង្រឹងឈរជើងយ៉ាងរឹងមាំនៅតាមតំបន់ភាគខាងកើតវិញ។ ទន្ទឹមនឹងជាមួយគ្នា ទោះអាកាសធាតុចុះត្រជាក់មិនអំណោយផលក្នុងការប្រយុទ្ធក៏ដោយ រុស្ស៊ីនៅតែវាយលុកក្នុងបរិមាណខ្ពស់។
ជាក់ស្តែងនៅក្នុងការប្រយុទ្ធគ្នានៅខេត្តជាប់គ្នានោះ គឺលូហាន់ ដែលកងកម្លាំងអ៊ុយ ក្រែនកំពុងព្យាយាមរំដោះមកវិញគិតតែថ្ងៃអាទិត្យមួយប៉ុណ្ណោះ លោកស្គីប្រាប់ថា ទ័ព រុស្ស៊ីបានបាញ់កាំភ្លើងធំសរុបប្រហែល៤០០គ្រាប់។ ជុំវិញការអះអាងនេះ សារព័ត៌មានឯករាជ្យមិនអាចផ្ទៀងផ្ទាត់បានទេនូវរបាយការណ៍ពីភាគីរុស្ស៊ីម្ខាងទៀត។
គួរជម្រាបថា តំបន់ខេត្តដូណេត និងលូហាន់នៃឧបទ្វីបដុនបាស គឺជាភូមិសាស្រ្តដ៏សំខាន់មួយ។ ជាតំបន់ឧស្សាហកម្មដ៏ធំប្រចាំភាគខាងកើតនៃប្រទេសអ៊ុយក្រែន៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា
