អ៊ុយក្រែនសម្ដែងការអរគុណដល់ភាគីពាក់ព័ន្ធ ដែលអនុញ្ញាតឲ្យក្រុមអ្នកជំនាញរបស់ខ្លួន បានទៅដល់កន្លែងធ្លាក់មីស៊ីលរុស្ស៊ីនៅក្នុងទឹកដីប៉ូឡូញ។
រដ្ឋមន្ត្រីក្រសួងការពារជាតិអ៊ុយក្រែន លោក Dmytro Kuleba បានសរសេរនៅលើ Twitter កាលពីថ្ងៃទី១៨វិច្ឆិកាថា “អ្នកជំនាញអ៊ុយក្រែនកំពុងធ្វើការនៅទីតាំងនៃសោកនាដកម្មនៅ Przewodów ដែលបណ្តាលមកពីការវាយប្រហារដោយមីស៊ីលរុស្ស៊ីប្រឆាំងនឹងអ៊ុយក្រែន។ “ខ្ញុំមានអំណរគុណចំពោះភាគីប៉ូឡូញដែលបានផ្តល់សិទ្ធិឱ្យពួកយើងបានចូលទៅដល់។ យើងនឹងបន្តកិច្ចសហប្រតិបត្តិការរបស់យើងក្នុងលក្ខណៈបើកចំហ និងស្ថាបនា ដូចដែលមិត្តជិតស្និទ្ធបានធ្វើ”។ លទ្ធផលចេញពីខាងអ៊ុយក្រែននឹងត្រូវបង្ហាញ បន្ទាប់ពីការ ស៊ើបអង្កេតយ៉ាងហ្មត់ចត់។
យ៉ាងណាក៏ដោយ របាយការណ៍ជាបឋមដោយណាតូ និងប៉ូឡូញបាននិយាយរួចហើយថា នេះជាការថ្លោះធ្លោយអចេតនារបស់អ៊ុយក្រែន។ កាំជ្រួចដែលបានវាយប្រហារប៉ូឡូញ ទំនងជា មកពីប្រព័ន្ធការពារដែនអាកាសរបស់អ៊ុយក្រែន។ គួររំលឹកថា ការវាយប្រហារ នេះបានកើតឡើងនៅភូមិភាគខាងកើតប៉ូឡូញជាប់ព្រំដែនអ៊ុយក្រែន ខណៈអ្នកស្លាប់ មានចំនួន២នាក់ ស្ថិតក្នុងវ័យប្រហែល៦០ឆ្នាំ៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា
