រដ្ឋាភិបាលរុស្ស៊ីបានស្នើជាថ្មីម្តងទៀតទៅកាន់មហាអំណាចអាម៉េរិកឲ្យជួយបញ្ចុះបញ្ចូល អ៊ុយក្រែនមកកាន់តុចរចាផង ខណៈសង្រ្គាមបានឈានចូលដល់ខែទី៩ហើយ។
![](https://cambodiaflashnews.com/wp-content/uploads/2021/06/top-banner.gif)
យោងតាមការបញ្ជាក់ដោយអ្នកនាំពាក្យវិមានក្រឹមឡាំង លោក Dmitry Peskov ជាមួយអ្នកកាសែតកាលពីថ្ងៃព្រហស្បតិ៍សប្តាហ៍នេះបានឲ្យដឹងថា រុស្ស៊ីស្នើសុំអាម៉េរិកឲ្យពិចារណាអំពីកង្វល់នេះម្តងទៀត អាម៉េរិកគួរយល់ពីស្ថានភាពបច្ចុប្បន្ន និងលើកទឹកចិត្តដល់ទីក្រុងកៀវឲ្យវិលត្រឡប់មកកាន់តុចរចា។ អ្នកនាំពាក្យបានបន្តថា ទន្ទឹមនឹងសង្រ្គាមបានឈានចូលមកដល់ខែទី៩ អ៊ុយក្រែននៅតែមានជំហរមិនច្បាស់លាស់ ព្រងើយកន្តើយមិនចង់បញ្ចប់សង្រ្គាមដោយសន្តិភាព។ “អ៊ុយក្រែនបានផ្លាស់ប្តូរជំហររបស់ពួកគេច្រើនដង មិនអាចយកជាការណ៍បានទេ”។
មិនមានការឆ្លើយតបថ្មីពីអាម៉េរិកទេ តែអាម៉េរិកនៅដើមខែវិច្ឆិកានេះក៏ធ្លាប់បាននិយាយជាមួយអ៊ុយក្រែនផ្ទាល់ដែរអំពីរឿងនេះ។ អាម៉េរិកបានលើកទឹកចិត្តដល់រដ្ឋបាលហ្សេឡិនស្គីក្នុងការចូលទៅរកផ្លូវការទូតឆាប់បានបញ្ចប់ជម្លោះ តែហ្សេឡិនស្គីបានដាក់លក្ខខណ្ឌជាច្រើនទៅកាន់រុស្ស៊ី។ លក្ខខណ្ឌទាំងនោះគឺផ្អែកទៅលើធម្មនុញ្ញអង្គការសហប្រជាជាតិ ជាអ្វីដែលអ៊ុយក្រែនថា មិនហួសហេតុពេកទេ រួមមានការសងសំណងខូចខាត ការកាត់ទោសឧក្រិដ្ឋកម្មសង្រ្គាម ដកទ័ពចេញពីទឹកដីអ៊ុយក្រែនជាដើម។ ប្រសិនបើធ្វើតាមការទាមទារនេះ អ៊ុយក្រែននឹងចូលខ្លួនចរចា៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា